Álemdik fýtbol tarıhyndaǵy jaryq juldyz
Álem fýtbolynyń tarıhynda jaquttaı jarqyrap óner kórsetken ala dop sheberleri az bolmaǵan. Sonyń biregeıi - fransıalyq úzdik fýtbolshy Zınedın Zıdan. Dańqty sport juldyzy jaıynda 5 qyzyqty málimetti nazarlaryńyzǵa usynamyz.
* 1986 jyly bala Zıdan óz mansabyn erte bastaıdy. Jergilikti jarystardyń birinde kózge túsedi. Osylaısha 14 jasynda «Kann» klýbymen kelisimshart jasaıdy. Sóıtip, eń jas jartylaı qorǵaýshy atanady.
* Zıdan fýtboldan bólek dzúdomen de mashyqtandy. Tek aınalysyp qana qoımaı, jasyl beldik ıesi atandy. Sonymen qatar dene bitimi modelder sıaqty óte myǵym.
* Zızýdyń aty «Altyn» dopty alǵan tuńǵysh musylman retinde tarıhta altyn árippen jazyldy. Sondaı-aq úsh ret álemniń (1998, 2000, 2003), bir márte Eýropanyń (2000) úzdik fýtbolshysy atandy.
* Bir qyzyǵy Zınedınder áýleti túgel ala dopty jandaryna serik etken. Onyń tórt uly bar jáne tórteýi de fýtbolshy: Enso (1995) - jartylaı qorǵaýshy, Lýko (1998) - qaqpashy, Teo (2002) - shabýylshy, Elıas Zıdan (2005).
* Dúnıejúzilik fýtbol tarıhynda 40 metrden gol soqqan birden-bir favorıtke aınaldy. Kúni búginge deıin atalǵan rekordtyń jalǵyz ıesi ózi bolyp tabylady.