Belgıyalyqtar asyrap alǵan 23 jastaǵy Jáníbek Savelev qyrkúıekte elge kelgísí kelgenín, alaıda kedergíler paıda bolǵanyn aıtty, - dep habarlaıdy aqshamnews.kz tílshísí.
"Armysyzdar, meníń otbasym! Qaldaryńyz qalaı? 2026 jyl tayap qaldy! Bıyl kópshílígíńíz menen qyrkúıekte Qazaqstanǵa nege kelmegenímdí sūradyńyzdar. Osy jaıtty sízderge túsíndírgím keledí, bíraq eń aldymen tuǵan jeríme ne sebeptí barǵym kelgenín aıtaıyn. Bízdíń otanymyz sondaı ádemí - mádenıetí baı, tabıǵaty keremet, tarıhy tereń. Men halqymyz Qazaqstandy tanyp bíluí tıís degen oıdamyn jáne olarǵa tuǵan jerímízdíń ásemdígín pash etetín sayahat ūıymdastyrǵym keldí. Meníń armanym bír top adammen tuǵan jerdíń ádemí jerlerín tanyp sayahattau jáne ózím úshín de onyń jańa qyrlaryn ashu bolatyn", - dedí ol.
Jáníbektíń aıtuynsha, kompanıya tur baǵasyn dūrys ūsynbaǵan.
"Ókíníshke qaraı, men bírlesíp jūmys ísteudí josparlaǵan kompanıya turdyń (qonaqúı baǵasy, jol aqysy) ádíl baǵasyn ūsyna almady, sondyqtan tírkelgen adam sany jetkílíksíz boldy. Būl jaıt men úshín auyrǵa soqty, óıtkení men úıíme oralyp sízdermen qaıta qauyshqym keldí. Degenmen men būl tájírıbeden kóp nársení úırendím jáne sayahatty ūıymdastyru ıdeyasynan álí de bas tartpaımyn. Qymbatty meníń otbasym, tuǵan jerím, sízdermen jaqyn arada kórísemíz dep úmíttenemín", – dep jazdy Jáníbek.