Almatyda 2024 jyly 11,7 myń oqýshy ornymen qamtamasyz etken 18 bilim berý nysany salyndy. Osy sharalardyń arqasynda kelesi oqý jylyna deıin oryn tapshylyǵy «basqarylatyn» deńgeıge – 3-4 myń orynǵa deıin qysqarady. Bul týraly qalalyq bilim basqarmasy habarlady.
Bilim berýdi damytýdyń mańyzdy bóligi «Almaty mektepteri» standartynyń engizilýi boldy. Osy joba aıasynda memlekettik mektep oqýshylaryn tasymaldaý uıymdastyryldy. 2024 jyly mektep avtobýstarynyń sany 200 birlikke deıin artty, bul 15,3 myń oqýshyny tasymaldaýǵa múmkindik berdi. 2025 jyly Almaty ákimi Erbolat Dosaevtyń tapsyrmasymen avtobýstar sany taǵy 100 birlikke kóbeıtilip, bul odan da kóp oqýshyny oqý oryndaryna qaýipsiz jáne yńǵaıly jetkizýge múmkindik beredi.
Buǵan deıin avtobýstar shalǵaı jáne jetýi qıyn aýdandarda turatyn balalar oqıtyn mektepterden túsken ótinimderge sáıkes marshrýttarǵa shyǵatyny atap ótilgen. Bul mektep avtobýstaryn bólý kezindegi basymdyqtardyń biri. Ár mektep úshin oqýshylardy tasymaldaýdy qamtamasyz etý maqsatynda egjeı-tegjeıli marshrýttyq paraqtar ázirlengen.