Almatynyń Energetıka jáne sýmen jabdyqtaý basqarmasynda 2025 jylǵa arnalǵan jylý jáne elektrmen jabdyqtaý ınfraqurylymyn jańǵyrtý josparlary týraly aıtyldy, dep habarlaıdy aqshamnews.kz
2024 jyly qalada 20 km jylýmen jabdyqtaý jelileri, 220 km elektrmen jabdyqtaý jelileri jańartylyp, 85 qazandyq qaıta quryldy. Bul sharalar jylý berý tıimdiligin aıtarlyqtaı arttyrdy.
Bıyl aýqymdy mindetter josparlanǵan. Atap aıtqanda, 40 km jylýmen jabdyqtaý jelilerin jáne 240 km elektrmen jabdyqtaý jelilerin jańǵyrtý, sondaı-aq 21 qazandyqty qaıta jańartý. Qabyldanatyn sharalar ınfraqurylymnyń tozýyn edáýir tómendetýge múmkindik beredi.
2024-2025 jyldary jylýmen jabdyqtaý jelileriniń tozýy 3,8%-ǵa tómendep, 54,1% bolsa, elektrmen jabdyqtaý jelileriniń tozýy 1,7%-ǵa azaıyp, 63,3%-ǵa jetedi.
Aıta keteıik, Almatyda qala ákimi Erbolat Dosaevtyń tapsyrmasy aıasynda júrgizilip jatqan ınjenerlik ınfraqurylymdy jańǵyrtý ákimdik jumysynyń basym baǵyty bolyp tabylady. Qala turǵyndary úshin qolaıly jaǵdaı jasaýǵa baǵyttalǵan mańyzdy qadamnyń biri – ınfraqurylymdy jańartý úshin tıimdi qarjy bólýdi qamtamasyz etetin ınvestısıalyq baǵdarlamalardy qoldaný.