Almatyda 2023 jyly «Halyq qatysatyn búdjet» baǵdarlamasy boıynsha 397 balalar men sport alańy abattandyryldy
Abattandyrylǵan balalar men sport alańynyń eń kóbi Almaly aýdanynda - 91, Medeý aýdanynda - 80, Jetisý aýdanynda - 56.
Alataý aýdanynda 2023 jyly 45 jańa sport alańy salyndy, kópirge jóndeý júrgizildi, 1135 jaryq núktesi jańǵyrtyldy. Byltyr munda «Halyq qatysatyn búdjet» jobasy boıynsha 54 joba iske asyryldy.
Atap aıtqanda, aýdan turǵyndarynyń ótinishimen Zerdeli shaǵyn aýdanynda «Sıren baǵy», Ahanov kóshesindegi skver, Saıyn kóshesindegi baqylaý alańy abattandyrylyp, Qarasý shaǵyn aýdanyndaǵy skverdiń qurylysy bastaldy. Aleıalar, alańdar men jaıaý júrginshiler kóshelerin abattandyrýmen birge, keıbir aýmaqtaǵy shamdar aýystyrylyp, Úlken Almaty arnasyndaǵy kópir jóndeldi.
Aıta keteıik, «Halyq qatysatyn búdjet» jobasy boıynsha 2023 jylǵy daýystardyń jalpy sany 2022 jylǵa qaraǵanda 22%-ǵa kóp. Bul aýdan búdjetin ózderi úshin qalaı tıimdi paıdalaný kerektigin turǵyndardyń tańdaýyna qaraı júrgizilgen jumystyń suranysta ekeni kórsetedi.
«Halyq qatysatyn búdjet» - bul turǵyndar ákimdiktermen birlesip jergilikti búdjet qarajatyn bólisetin joba. Turǵyndar ózderi abattandyrý ıdeıasyn usynady, olardy joba deńgeıine deıin pysyqtaıdy, sodan keıin onlaın daýys berý arqyly jeńimpazdardy tańdaıdy.