Almaty ekonomıkasy senimdi ósýde dedi ekonomıka basqarmasynyń basshysy Dastan Ámirbaev máslıhattyń 2022 jylǵy búdjetti atqarý máselesi jónindegi VI sesıasynda. Ótken kezeńniń nátıjeleri oń dınamıka týraly aıtýǵa múmkindik beredi: 2022 jyl kovıdtik kezeń áleýmettik-ekonomıkalyq ońaltýdyń mańyzdy kezeńine aınaldy.
Almatyda iskerlik belsendilikti tolyq qalpyna keltirýge,ınvestısıalyq áleýetti ulǵaıtýǵa qoljetkizildi – shetel kompanıalarynyń qala ekonomıkasyna salymdarynyń aǵyny 12%-ǵa ósti, 1,4 trln teńge tartyldy. Oń ózgeristerdi eńbek naryǵy kórsetýde: 2022 jyly 57,5 myń jumys orny quryldy. Megapolıs ekonomıkasy 5,1%-ǵa ósti.
2025 jylǵa deıingi damý baǵdarlamasyna jáne 2030 jylǵa deıingi orta merzimdi perspektıvalarǵa sáıkes Almatynyń damý josparynyń negizgi mindetteri kezeń-kezeńimen iske asyrylýda. 2022 jyly osy maqsattarǵa 460 mlrd teńge bólindi.