Almaty ákimi Erbolat Dosaev pen SUS Environment kompanıasynyń prezıdenti Long Szıshen qoqys óńdeý zaýytyn salý perspektıvalaryn talqylady
Almaty ákimi Erbolat Dosaev Qytaıdyń jetekshi Shanghai SUS Environment Co., Ltd. Kompanıasynyń prezıdenti Long Szıshenmenn kezdesti, dep habarlaıdy aqshamnews.kz
Shanghai SU Environment Co., Ltd. - ekologıa jáne energetıka salasyndaǵy keshendi qyzmetterdiń álemdik basty jetkizýshisi, qaldyqtardy energıaǵa qaıta óńdeý salasynda (Waste-to-Energy) Qytaıdaǵy naryq úlesiniń 40% - yn qamtıdy
Búgingi tańda kompanıa búkil álem boıynsha jalpy óńdeý qýaty táýligine 110 myń tonna, jyl saıyn 18 mlrd kVt/saǵ elektr energıasyn óndirýmen jáne 2,65 mln sharshy metrge deıingi aýmaqty jylytýdy qamtamasyz etýmen 84 jobany iske asyrdy. Generasıa tıimdiligi 26%-dy quraıdy, bul eń jaqsy halyqaralyq standarttarǵa sáıkes keledi.
SUS Environment zaýyttarynyń aıryqsha ereksheligi ekologıalyq qaýipsizdiktiń joǵary standarttary bolyp tabylady. Kompanıanyń kásiporyndary zıandy shyǵaryndylardy baqylaýdy qamtamasyz etetin kóp satyly súzgisi bar tútin gazdaryn tazartýdyń ozyq júıelerimen jaraqtandyrylady. Nysandardyń aınalasynda ekpeler, kógaldar men aǵashtar bar jasyl aımaqtar qurylyp, tolyqqandy eko-ındýstrıaldy park qurady, bul kórshiles aýdandardyń turǵyndary úshin yńǵaısyzdyq deńgeıin tómendetedi jáne qolaıly ekologıalyq ortany qalyptastyrady.
Kezdesý barysynda Almatyda 270 mln.AQSH dollary somasyna tikeleı sheteldik ınvestısıalardy tarta otyryp, qazirgi zamanǵy qoqys óńdeý zaýytyn salý máseleleri talqylandy. Zaýyt táýligine 2000 tonnaǵa deıin qaldyqtardy 60 MVt-qa deıin elektr energıasyn óndirýmen qaıta óńdeıtin bolady, bul Almatynyń QTQ kádege jaratý qajettiligin jabady jáne 2029 jylǵa qaraı qaldyqtardy qaıta óńdeý úlesin 80% - ǵa deıin jetkizýge múmkindik beredi. Qurylysty 2025 jyldyń kúzinde bastaý josparlanýda. Qazirgi ýaqytta QR Úkimetimen ınvestısıalar týraly kelisimge qol qoıý máselesi pysyqtalýda.
Jobanyń Bas merdigeri retinde álemniń 110 elinde iri ınfraqurylymdyq jobalardy iske asyrý tájirıbesi bar China Railway Construction Corporation (CRCC) memlekettik korporasıasynyń enshiles qurylymy — China Civil Engineering Construction Corporation anyqtaldy. Qurylysqa sonymen qatar SUS Environment kompanıasynyń jeke zaýyttarynda óndiriletin jabdyqtar, sonyń ishinde torly reshetkalar jáne basqa da negizgi komponentter qatysady.
Almatyda zaýyt salý jónindegi jobany iske asyrýdan basqa, SUS Environment kompanıasy kadrlar daıarlaý jónindegi óńirlik oqý ortalyǵyn qurý jóninde bastama kóterdi. Ortalyq ekologıalyq quzyretterdi damytýǵa jáne ozyq tehnologıalardy óńirge berýge járdemdese otyryp, Qazaqstannan, Ortalyq Azıa elderinen, Mońǵolıadan, Irannan jáne Aýǵanstannan jas mamandardy oqytýǵa baǵdarlanatyn bolady.
Joba Almatynyń Shanhaımen strategıalyq áriptestigi aıasynda júzege asyrylýda. Jańa zaýyt búkil Ortalyq Azıada elektr energıasyn óndirýmen qaldyqtardy ekologıalyq kádege jaratý salasynda flagmanǵa aınalady.