Elektrmen jabdyqtaý salasyn modernızasıalaý úshin 200 myń tutynýshyny qamtıtyn elektr qosalqy stansıasynyń qurylysy júrgizilýde.
2024 jyldyń qyrkúıeginde qýaty 80 MVt bolatyn «Tuzdy bastaý» QS-nyń qurylysyn aıaqtaý josparlanýda. Aıta keterligi, senimdi jáne úzdiksiz elektrmen jabdyqtaýdy qamtamasyz etý úshin Almaty qalasynyń ákimi Erbolat Dosaevtyń tapsyrmasy boıynsha 2040 jylǵa deıingi perspektıvamen Almaty qalasynyń elektr jelilerin damytýdyń 2030 jylǵa deıingi syzbasynyń jobasy ázirlendi.
Oǵan kabeldik jelilerdi, transformatorlyq qosalqy stansıalardy, jabyq taratý qurylǵylaryn salý jáne rekonstrýksıalaý kiredi. Almaty men qalaǵa qosylǵan aýmaqtardy elektrmen jabdyqtaý syzbasyn ázirleý qosymsha elektr qýatyn qosý boıynsha tapshylyqty joıýǵa, Bas josparǵa sáıkes qalanyń damýyn qamtamasyz etýge múmkindik beredi.
Jobany iske asyrǵannan keıin tozǵan jelilerdiń azaıýyna baılanysty tutynýshylardy elektrmen jabdyqtaý senimdiligin arttyrý josparlanýda. Eske salsaq, Almaty qalasy boıynsha elektr jelileriniń uzyndyǵy – 8,6 myń km, al elektr jelileriniń tozýy 65% -dy quraıdy.