Almaty polısıasy 2024 jyly “Jol júrisi týraly” Zańǵa ózgertýler engizilgenin eske saldy.
Endi moped júrgizýshileri jol qozǵalysynyń tolyqqandy qatysýshylary jáne olarǵa barlyq zań talaptary qoldanylady, dep habarlaıdy aqshamnews.kz Polisia.kz-ke silteme jasap.
Búgingi kúni 2013 moped ıesi resmı tirkeý rásimin aıaqtady.
— Qoǵamda “Zań men Tártip” qaǵıdatyn nyǵaıtý, sondaı-aq elimizdiń iri qalasyndaǵy joldardaǵy qaýipsizdikti qamtamasyz etý aıasynda Almaty qalasynyń polısıa qyzmetkerleri barlyq jerde moped ıelerine, kólik quraldaryn tirkeý jáne jol qozǵalysy qaýipsizdigi erejelerin saqtaý qajettigin eske salyp, túsindirý jumystaryn júrgizýde. Osy jyldyń 5 sáýirinen keıin mopedin ýákiletti organda tirkemegen jáne “A1” sanatyndaǵy júrgizýshi kýáliginsiz mopedti basqarǵan moped júrgizýshileri ákimshilik jaýapkershilikke tartylatyn bolady. Al kólik quraly mamandandyrylǵan aıyppul turaǵyna ornalastyrylady, - dedi Almaty qalasy PD ákimshilik polısıa basqarmasy Prosesıng ortalyǵynyń bastyǵy Aıdyn Merkimbaev.