Densaýlyq saqtaý mınıstrligi Jańa jyldyq merekeler kezinde pırotehnıkadan zardap shekkenderdiń statısıkasyn jarıalady, dep habarlaıdy aqshamnews.kz
Elimiz boıynsha ártúrli jaraqat alǵan 63 adam tirkeldi, onyń ishinde 20 bala. Olardyń 12-si, sonyń ishinde 5 bala aýrýhanaǵa jatqyzyldy. Al 51 naýqas ambýlatorlyq em qabyldaýda, onyń ishinde 15 bala bar.
Aımaqtar boıynsha jaraqat alǵandar:
▪️ Almatyda – 19 adam;
▪️ Jambyl oblysynda – 11 adam;
▪️ Qaraǵandy, Mańǵystaý, Qostanaı oblystary men Shymkentte – 6 adamnan;
▪️ Aqtóbe oblysynda – 2 adam;
▪️ Aqmola, Qyzylorda, Atyraý, Shyǵys Qazaqstan, Batys Qazaqstan, Almaty jáne Abaı oblystarynda – bir-bir jaǵdaıdan tirkelgen.
Barlyq zardap shekkenderde kóz jaraqattary, kózdiń qasań qabyǵynyń kúıigi, qoldyń kúıigi men jaraqattary anyqtalǵan.
"Bir naýqastyń qabyrǵasy jaralanǵan. Jaǵdaıy turaqty, qazirgi ýaqytta stasıonarlyq em qabyldaýda", – dep habarlady Densaýlyq saqtaý mınıstrligi.