Ál-Farabı dańǵylynda jóndeý jumystary júrgizilýde
Qalada 15 magıstraldy kósheni ortasha jóndeý jumystary bastaldy. Ál-Farabı dańǵyly boıymen Asqarov kóshesinen Dostyq dańǵylyna deıingi uzyndyǵy 9 km-den asatyn ýchaskeni jóndeý bastaldy. Burynǵy ortasha jóndeý jumystary munda 2010 jyly jasalǵan. Jumystar kólik qozǵalysy bóligin ishinara jabý arqyly júrgiziledi, dep habarlaıdy Almaty-akshamy.kz.
Sondaı-aq, Esentaı ózeni arqyly ótetin ál-Farabı dańǵylyndaǵy kópirde 6 maýsymnan bastap rekonstrýksıalaý aıasynda qurylys-montaj jumystary júrgizilýde. Jobada kópirdi qaıta jańartý jáne eki velojúrginshi kópirin salý kózdelgen. Búginde aınalma joldy qamtamasyz etý jáne ınjenerlik komýnıkasıalardy qaıta qurý úshin bólý jolaǵynda jol tósemderin jasaý boıynsha jumystar júrgizilýde.
«Ortasha jóndeý jumystary Abaı dańǵylynda, Dostyq dańǵylynan Tilendıev kóshesine deıingi ýchaskede de júrgizilýde. Qala turǵyndaryna yńǵaıly bolý úshin jóndeý kezinde kósheler ishinara jabylady. Abaı dańǵylyndaǵy atalǵan ýchaskelerdegi jol jabynyna aldyńǵy ortasha jóndeý jumystary 2012 jyly júrgizilgen. Jalpy magıstraldy kóshelerdi ortasha jóndeýdi oqý jyly bastalǵanǵa deıin aıaqtaý josparlanýda. Jóndeý jumystaryna túsinistik pen shydamdylyq tanytýlaryńyzdy suraımyz»! - delingen qalalyq mobıldilik basqarmasynyń habarlamasynda.