Almatyda epıdemıalyq maýsym bastalǵaly medısına mekemelerine kene shaqqan 1275 turǵyn júgindi.
Onyń ishinde 619 -y 14 jasqa deıingi balalar, dep habaraıdy Almaty-akshamy.kz.
«Shuǵyl medısınalyq kómek barlyǵyna der kezinde kórsetilip, belgileri boıynsha kenege qarsy ımmýnoglobýlın engizildi. Jyl basynan beri kene ensefalıti tirkelgen joq», - deıdi qalalyq sanıtarlyq-epıdemıologıalyq baqylaý departamenti basshysynyń orynbasary Ásel Qalyqova.
Epıdemıologtyń aıtýynsha, kene ensefalıtinen qorǵanýdyń eń tıimdi ádisi – kene ensefalıtine qarsy vaksınasıa.
«Kene shaǵyp alǵan jaǵdaıda múmkindiginshe erterek (kene shaqqannan keıin 4 kúnnen keshiktirmeı) medısınalyq mekemelerdiń kómegine júginý kerek, onda olarǵa bilikti medısınalyq kómek kórsetilip, kene ensefalıtine qarsy ımmýnoglobýlın salynady»,- dep atap ótti dáriger.
Kene ınfeksıalarynyń aldyn alý maqsatynda osy jyldyń 13-shi mamyrynan bastap qalalyq saıabaqtar men skverlerde óńdeý jumystarynyń ekinshi kezeńi júrgizilip jatyr.
Óńdeý jumystary Alataý, Almaly, Áýezov jáne Jetisý aýdandarynda aıaqtaldy.