Almaty qalasynyń áýejaıynda "Bek Air" áýekompanıasynyń "Fokker-100"markaly áýe kemesiniń apatqa ushyraý faktisi boıynsha qylmystyq isti tergeý aıaqtaldy, dep habarlaıdy Almaty-akshamy.kz.
Kóliktegi polısıa departamenti proses prokýrormen kelise otyryp, Almaty áýejaıynda 2019 jyldyń 27 jeltoqsanynda oryn alǵan «Fokker-100» «Bek Air» ushaǵynyń apatqa ushyraýy faktisi týraly qylmystyq is boıynsha tergeý áreketteriniń aıaqtalǵanyn habarlady.
«4 myńnan asa tergeý áreketi (2000 tekserý, 1350 jaýap alý, 250 alý), 150 sot-medısınalyq saraptama jáne arnaıy zertteýler júrgizildi. Halyqaralyq yntymaqtastyq sheńberinde prokýratýra Qazaqstan Respýblıkasy Syrtqy ister mınıstrliginiń kómegimen Belgıa, Germanıa, Lúksembýrg, Nıderlandy jáne t.b. shet memleketterden halyqaralyq quqyqtyq kómek kórsetý týraly ótinishterge is úshin mańyzy bar qajetti quqyqtyq-tehnıkalyq aqparat alyndy», - delingen habarlamada.
Qazir proseske qatysýshylar sotqa deıingi tergep-tekserý materıaldarymen tanysyp jatyr.
Eske salsaq, 2019 jyldyń 27 jeltoqsanynda Almatyda jantúrshigerlik ushaq apaty boldy. Bek Air áýekompanıasynyń ushaǵy almaty áýejaıynyń mańynda apatqa ushyrady. Bortta 93 jolaýshy men ekıpajdyń 5 múshesi boldy. Apat saldarynan 12 adam qaza boldy.