Aqsaı ózenindegi salynyp jatqan sý daıyndaý stansıasy Naýryzbaı aýdanynyń 100 myń turǵyny úshin sý tapshylyǵy máselesin sheshedi
Naýryzbaı aýdanyndaǵy sý tapshylyǵyn joıý maqsatynda qýaty táýligine 22 myń m³ bolatyn sý daıyndaý stansıasynyń qurylysy júrgizilýde. Stansıa 100 myń adamdy sýmen qamtamasyz etedi. Bul týraly SHJQ «Almaty Sý» MKK bas dırektory İlıas Qazıev Óńirlik komýnıkasıalar qyzmetinde ótken brıfıńte málimdedi, dep habarlaıdy aqshamnews.kz
Qurylys jumystaryn bıyl qazan aıynda aıaqtaý josparlanyp otyr. Sonymen qatar, bıyl mamyr aıynda buǵan deıin salynǵan Qarǵaly súzgi stansıasynda iske qosý-retteý jumystary aıaqtalady.
«Sý tazartý nysanynyń jumys isteýi úshin qajetti tehnıkalyq káriz kolektorynyń qurylysy qatar júrgizilýde. Bul bastapqyda stansıa jobasyna engizilmegen bolatyn», – dedi spıker.
Atalǵan kolektordyń qurylysy osy jyldyń maýsymynda aıaqtalǵan soń stansıany iske qosýǵa bolady. Bul Qarǵaly ózeninen alynatyn sýdy tazalap, halyqqa jetkizýge múmkindik beredi.
Osy jobalardyń júzege asyrylýy Naýryzbaı aýdany turǵyndaryn, onyń ishinde Qaraǵaıly, Quramys, Taýsamaly, Tastybulaq shaǵyn aýdandaryndaǵy 50 myń adamdy sapaly jáne úzdiksiz sýmen qamtýǵa jol ashady.
Sonymen qatar, qalanyń batys bóliginde ósip kele jatqan suranysty qamtamasyz etý maqsatynda qýaty táýligine 43 myń m³ bolatyn «Barlyq» sý jınaǵysh jobalanýda.