2022 jyldyń 29 qarashasy men 3 jeltoqsany aralyǵynda Almatyda «Bastaý» X Halyqaralyq stýdenttik jáne debúttik fılmder kınofestıvali ótedi.
Festıváldi Tanaris Production kınokompanıasy Almaty qalasynyń ákimdiginiń qoldaýymen uıymdastyrady, dep habarlaıdy Almaty-akshamy.kz.
Festıváldiń seriktesteri – QR Mádenıet jáne sport mınıstrligi, T. Júrgenov atyndaǵy Qazaq ulttyq óner akademıasy, «Turan» ýnıversıtetiniń Turan Film Academy joǵary mektebi jáne ál-Farabı atyndaǵy Qazaq ulttyq ýnıversıteti.
Festıváldiń maqsaty – álem elderiniń jas kınematografısteri arasyndaǵy baılanysty nyǵaıtý, olardyń jumysyn qoldaý jáne ilgeriletý. Festıvál prezıdenti Sergeı Ázimov aıtqandaı, «Bastaý» jas rejıserler men senarısterge óz jobalaryn júzege asyrý úshin biregeı alań usynady. «Bastaý» on jyl boıy úzilissiz jumys istep keledi jáne festıváldiń kásibı jáne uıymshyl ujymynyń arqasynda barlyq qıyndyqty eńserip otyr.
«Sondyqtan biz úshin basty ıdeıa, negizgi tujyrymdama mynandaı boldy: bárimiz – uıymdastyrýshylar, basshylar – eń joǵary kásibı maǵynadaǵy qyzmet kórsetýshi personal bolýymyz kerek. Biz osy oqıǵanyń basty keıipkerleri – avtorlar, rejıserler, operatorlar, dramatýrgter, jas akterler aınalasynda qurylǵan ınfraqurylymdy jasaımyz. Biz olarǵa osyny sezindirýimiz kerek», – deıdi ol.
Bıylǵy jyly festıvál rejıser Iana Skopınanyń «Skoro konchıtsá leto» atty fılminiń tusaýkeserimen ashylady. Bul - onyń tolyqmetrajdy debúti. Iana «Bastaý» túlegi, onyń alǵashqy týyndysy «Ty chto-to práchesh v kýlake» atty qysqametrajdy fılmi V «Bastaý» HKF-da úzdik dep tanylǵan. 2015 jyly júlde alǵanda, sahnada úlken kartınamen osynda oralýǵa ýáde bergen edi. Onyń jańa kınosynyń sújeti 1990 jyly kóp ultty aýlada bir jazdyń oqıǵasyna negizdelgen. Ol «Kıno» tobynyń mýzykasyna jáne ózgeris sezimine toly. Basty keıipker Baha esimdi jas jigit polák qyzyna ǵashyq bolady…
Festıvál 29 qarashada Abaı atyndaǵy Qazaq ulttyq opera jáne balet teatrynda ashylady. Chaplin Cinemas kınoteatrynda jabylýy ótedi.
Festıvál jańalyqtaryn bastauiff.com saıtynan jáne bizdiń bastauiff – Instagram jáne Facebook paraqshamyzdan kórińizder.