2023 jyldyń qańtar-qazan aralyǵynda Almaty qalasynyń qysqa merzimdi ekonomıkalyq ındıkatory 13,1%-ǵa ósti. Bul týraly Almatynyń Ekonomıka basqarmasy habarlady.
Ónerkásiptik óndiris salasynda 1639,9 mlrd. teńgeniń ónimi óndirilip, 18,9%-ǵa ósti. Óńdeý ónerkásibi 18,6%-ǵa ósti. Qurylys salasyndaǵy kórsetkishterdiń 1,9%-ǵa ósýi baıqalady, jyl basynan beri 1860,6 myń sharshy metr turǵyn úı paıdalanýǵa berilip, 19,9%-ǵa ósti.
Saýda 14,5%-ǵa, onyń ishinde bólshek saýda 7,1%-ǵa jáne kóterme saýda 17,2%-ǵa ósti. Baılanys qyzmetteri 3,1%-ǵa ósti.
Syrtqy saýda aınalymy (EAEO elderinsiz) 2023 jyldyń qańtar-qyrkúıek aralyǵynda 29,9% ósip, 18,6 mlrd. AQSH dollary boldy. Eksport 21,8% ósip, 3,4 mlrd. AQSH dollaryn, ımport 31,8%-ǵa artyp. 15,2 mlrd. AQSH dollaryna jetti.