Dúnıejúzilik Azamattyq qorǵanys kúnine arnalǵan is-sharalar aıasynda Almaty qalasynyń Tótenshe jaǵdaılar departamenti «Almaty qalasynyń qutqarý qyzmetimen» jáne QR TJM aýmaqtyq bólimshelerimen birge 2024 jylǵy 1 naýryzda saǵat 10.00-den 12.00-ge deıin «Astana» alańynda órt sóndirý, qutqarý jáne basqa da arnaıy qural-jabdyqtardyń kórmesin ótkizedi, dep habarlaıdy almaty-akshamy.kz
Dúnıejúzilik Azamattyq qorǵanys kúnine arnalǵan kórmeden almatylyqtar qalanyń avarıalyq-qutqarý kúshteriniń arnaıy qural-jabdyqtarymen tanysýǵa múmkindik alady.
- Demonstrasıalyq kórme - azamattyq qorǵaý jáne qaýipsizidik mádenıetin qalyptastyrý salasyndaǵy bilimdi nasıhattaý maqsatynda uıymdastyrylady, sondaı-aq qala turǵyndaryn qutqarý qyzmetteri men quralymdardyń múmkindikterimen tanystyrý úshin ótkiziledi.
- 3000-den astam oqýshy men stýdent órt sóndirýshi–qutqarýshy mamandaǵynyń erekshelikterimen tanysa alady, olardyń ishinde «Jas qutqarýshy» mektep janyndaǵy klýbtardyń músheleri de bar.
- Sonymen birge utqyr platformadaǵy jer silkinisteriniń sımýlátory kórsetiledi. Bul trenajer jer silkinisiniń kóldeneń jáne tik dúmpýlerin uqsatatyn úı bólmesiniń maketinde kórsetilgen.
- 90 metr bıiktikten adamdardy qutqarýǵa arnalǵan Qazaqstandaǵy eń bıik ıindi kótergishti jaqyn jerden kórýge bolady.
Eske sala ketetini, Halyqaralyq azamattyq qorǵanys uıymy (HAQU) Bas Assambleıasynyń sheshimimen 1990 jyldan bastap 1 naýryz kúni Dúnıejúzilik Azamattyq qorǵanys kúni bolyp atap ótilýde. Qazaqstan Respýblıkasy 1996 jyly HAQU músheligine kirip, halyqty, aýmaqty jáne sharýashylyq júrgizý obektilerdi tabıǵı jáne tehnogendik sıpattaǵy tótenshe jaǵdaılardan qorǵaý máselelerin sheshý boıynsha halyqaralyq deńgeıde belsendi yntymaqtastyqty júzege asyrady.