Kengýrýdyń tóli óte kishkentaı, kólemi nebári 25 mm bolady.
Zoobaqtyń baspasóz qyzmetinen habarlaǵandaı, Almaty qalalyq zoobaǵynda Laýra men Marat atty kengýrý juby tóldedi, dep habarlaıdy Almaty-akshamy.kz
Kengýrýdyń dál qaı kúni týǵanyn anyqtaý qıyn bolyp tur. Sebebi, kengýrý tóli óte kishkentaı, kólemi nebári 25 mm bolady. Ol týyla salyp, anasynyń qaltasyna órmelep shyǵyp, sonda jarty jyl boıy ósip-jetiledi. Kishkentaı kengýrýdyń ómirge kelgenin zoobaq qyzmetkerleri anasynyń júris-turysy, minez-qulqynan baıqap, túsingen.
«Kishkentaı kengýrý shamamen qańtarda týǵan. Biraq, biz ony tek naýryzda ǵana, anasynyń qaltasynan basyn shyǵara bastaǵan kezde baıqadyq. Bul - Laýra men Marattyń tórtinshi tóli. Olar sýsıyrlarǵa qarama-qarsy qorshaýda turady. Kishkentaı kengýrýdy durystap qarap, jynysyn anyqtaýymyz kerek. Onyń esimin áli qoıǵan joqpyz. Óz usynys-nusqalaryńyzdy joldap, jazbalaryńyzda pikir qaldyryńyzdar. Kengýrýǵa qaraıtyn kıperler unaǵan esimdi ózderi tańdap alady», - dep jazdy zoobaq ujymy Instagram paraqshasynda.