Erbolat Dosaev Almaty telearnasynyń qyzmetimen tanysty, dep habarlaıdy Almaty-akshamy.kz
Almaty ákimi Erbolat Dosaev Almaty telearnasyna baryp, teleradıokompanıanyń qyzmetimen tanysty jáne shyǵarmashylyq ujymmen kezdesti.
Qala basshysyna telearna jumysynyń nátıjeleri týraly baıandaldy. Almaty arnasynyń bas dırektory Tımýr Bazarbaevtyń aıtýynsha, sońǵy 1,5 jylda teleaýdıtorlardyń ósýi shamamen 70% -dy qurady, al saıtty qaraý 5 esege-jylyna 9-dan 45 mln-ǵa deıin ósti. Bul rette komersıalyq kirister 65% - ǵa, al medıa satýshy jelisi boıynsha 2 ese ósti. Sondaı-aq, Almaty telearnasy respýblıkalyq mártebege ıe boldy jáne búkil el boıynsha mindetti arnalar tizimine endi. Rebrendıng júrgizildi ári habar taratýdyń búkil tujyrymdamasy túbegeıli ózgerdi. Barlyq bıznes-prosester ońtaılandyrylyp, qyzmetkerlerdiń jalaqysy 50% - ǵa artty.
Jańa maýsymda kórermender úshin 18 telejoba daıyndaldy. Óz óndirisiniń memlekettik tildegi úlesi 83% - ǵa jetti.
Sondaı-aq, ákimge telearnanyń jańarǵan túsirilim pavılony tanystyryldy, onda ashylǵanyna 6 jyl ótken soń bıyl modernızasıa júrgizildi. Stýdıanyń paıdaly alańy 2 esege ulǵaıtyldy: áleýmettik, mádenı, zıatkerlik jáne basqa da televızıalyq jobalardy túsirý úshin 4 lokasıa quryldy. Jańa ámbebap kópfýnksıonaldy keńistik kez-kelgen túsirilim formatyna sáıkes keledi. Rekonstrýksıalaý aıasynda kez-kelgen kúrdeli telejobalardy túsirýge múmkindik beretin zamanaýı beıimdelgish dekorasıalar salyndy, tózimdi polımerli toltyrǵysh jabyn qoldanyldy. Sonymen qatar, jańa túsirý jáne montajdaý jabdyqtary qoıyldy.
Erbolat Dosaev telearnanyń qyzmetimen tanysyp, jańa tehnologıalardyń damýyn eskere otyryp, óndiristik-tehnıkalyq bazany odan ári jańartý qajettigine nazar aýdardy. Adamı kapıtaldy damytý sharalary tehnıkalyq qoldaýmen birge arnaǵa ýaqyt talaptaryna jaýap beretin joǵary sapaly ónim jasaýǵa múmkindik beretini atap ótildi.
«Bizdiń qala úshin Almaty telearnasy erekshe ról atqarady. Almatylyq rýhty qoldaý jáne qala turǵyndaryna jaqsy kóńil-kúı syılaý - arnanyń basty mindeti. Búginde arnanyń kontenti Almatynyń ózekti kún tártibin kórsetedi jáne qalanyń ár turǵyny arnadan keregin taba alady», - dedi Erbolat Dosaev ári telearna ujymyna qaladaǵy oqıǵalardy jarıalaýdaǵy jumysy úshin alǵysyn bildirdi.
Megapolıs basshysy tek qalanyń ǵana emes, elimizdiń basqa óńirleri turǵyndarynyń da aýdıtorıa talaptaryna basa nazar aýdarýdy jáne habar taratatyn kontentti túzetýdi aıtty. Sondaı-aq, ákim Almatydaǵy kreatıvti ındýstrıa kásiporyndarymen yntymaqtastyqty arttyrýdaǵy arnanyń bolashaǵyn atap ótti.