Týrızm nysandaryna qoǵamdyq kólikpen kelý úshin 27,6 mlrd teńge bólinedi.
Almatyda týrızmdi 680 mlrd teńgege damytý josparlanýda, dep habarlaıdy Almaty-akshamy.kz LS silteme jasap.
Ákimdiktiń josparyna sáıkes, 2023-2030 jyldary osy salany damytý úshin jalpy somanyń tek 12,6 mlrd teńgesi jergilikti búdjetten qarjylandyrýǵa týra keledi. 667,4 mlrd teńge jeke ınvestorlar esebinen tartylatyn bolady.
Investısıalardyń eń kóp kólemi ındýstrıany damytýǵa baǵyttalady. Onyń ishinde 2024 jylǵa deıin áýejaı jańǵyrtylýy tıis.
Sondaı-aq, bas jospar ázirlenip, nómirlik qordy ulǵaıtý josparlanýda.
Almaty aglomerasıasynda birqatar jobalar taýlarmen baılanysty (123,6 mlrd teńge): SSKA taý shańǵysy bazasyn qaıta jańartý (6,6 mlrd teńge), "Shymbulaq" kýrortyn jańǵyrtý (52 mlrd teńge), "Býtakovka" kýrortyn salý (65 mlrd teńge).
Týrızm nysandaryna qoǵamdyq kólikpen kelý úshin 27,6 mlrd teńge bólinedi. Onyń ishinde demalys oryndaryna 40 km aspaly jol salýǵa - 27,5 mlrd teńge. Bul rette úsh nusqa qarastyrylady. Birinshisi (Esentaı ózeniniń boıynda): Ortalyq stadıon – shańǵy tramplınderiniń kesheni – Kók Jaılaý shatqaly; ekinshisi (Kishi Almaty ózeniniń boıynda): Ortalyq saıabaq. Gorkıı – Kók-Tóbe – "Medeý" muz aıdyny; úshinshi (Úlken Almaty ózeniniń boıynda): "Saıran" avtovokzaly – Tuńǵysh Prezıdent parki – BAO. Qoldanystaǵy joldarmen ıntegrasıalaý jáne memlekettik-jeke menshik áriptestikti qoldaný josparlanýda.
Budan basqa, týrızm salasyndaǵy qazaqstandyq mamandardyń biliktiligi arttyrylyp, sheteldik sarapshylardyń tájirıbesi tartylatyn bolady.