Esirtki tasymaldaǵan Almaty turǵynyn Jambyl oblysynyń polıseıleri qolǵa túsirdi.
2023 jylǵy 7 qańtarda Almaty qalasynyń turǵyny otyrǵan VAZ-2107 avtokóligin tekserý kezinde esirtki zaty bar úsh qapshyq anyqtaldy, dep habarlaıdy Almaty-akshamy.kz Polisia.kz-ke silteme jasap.
Er adam atalǵan kóliktiń jolaýshysy bolǵan. Avtokólik Tátti aýylynyń mańyndaǵy Merki – Shý – Býrylbaıtal respýblıkalyq mańyzy bar avtojolynyń 40-shy shaqyrymynda ustaldy.
«Jambyl oblysy PD Esirtki qylmysyna qarsy is-qımyl basqarmasynyń qyzmetkerleri patrúldik polısıa batalónymen birlesip avtokólikti ustady. Jalpy salmaǵy 30,7 keli bolatyn keptirilgen marıhýana esirtki zaty júk salǵyshta bolǵan. Atalǵan esirtki zattaryn jolaýshy Almaty qalasyna odan ári ótkizý úshin tasymaldaǵan», – dep atap ótti Jambyl oblysy PD EQQİB bastyǵy Álim Bajyqbaev.
Ustalǵan azamat kinásin moıyndap, Merki aýdanynyń ýaqytsha ustaý ızolátoryna qamaýǵa alyndy. Osy derek boıynsha QR QK-niń 297-baby 3-bóligimen sotqa deıingi tergep-tekserý amaldary bastaldy. Qazirgi ýaqytta ary qaraı jedel izdestirý sharalary júrgizilip jatyr.