Qarapaıym satyp alýshynyń syńaıyn tanytyp júrgen ury bul kásibine ábden mashyqtanǵan bolyp shyqty.
2002 jyly týǵan O.esimdi azamat sándi jáne onymen baılanysty barlyq nárseni baǵalaıtyn adam bolyp shyqty. Tergeýdiń osy kezeńinde onyń birneshe urlyq deregine qatysy bar ekeni anyqtaldy, dep habarlaıdy Almaty-akshamy.kz Polisia.kz-ke silteme jasap.
«Jas jigittiń satyp alýshynyń atyn jamylyp, saýda oryndaryna baryp, ózine kıim tańdaǵany belgili boldy. Satýshynyń kóńili basqa jaqqa aýǵan sátte ol zattardy urlap, qylmys ornynan boı tasalaǵan. Ustalǵan azamat urlyqqa qatysy baryn joqqa shyǵarmaıdy. Atalǵan derek QR QK-niń 188-baby (Urlyq) boıynsha sotqa deıingi tergeýdiń biryńǵaı tizilimine engizilgen. Kúdiktiniń jeke basyn qalanyń basqa jerlerinde jasalǵan osyǵan uqsas qylmysqa qatysy bar-joǵyna mindetti túrde tekseretin bolamyz. Osy maqsatta jedel jáne tergeý sharalary júrgizilip jatyr», – dedi Jetisý aýdandyq polısıa basqarmasynyń bastyǵy Jánibek Shynasylov.