Alaıaqqa sengen Almaty turǵyny 83 mln teńgesinen aıyrylyp qaldy. Polısıa kúdiktini ustady.
Ol tanys áıelge ınvestısıany kóbeıtý úshin qomaqty somany bergen, dep habarlaıdy Almaty-akshamy.kz Polisia.kz-ke silteme jasap.
«T.esimdi azamatsha tanystaryna JSHS biriniń atynan iri otandyq kompanıalardyń birine salymdar – ınvestısıa arqyly qosalqy bólshekterdi jetkizýge kelisimshart jasap jatqanyn aıtty. Biraq eń qyzyǵy kompanıaǵa bul salym qajet emes edi. Qazirgi ýaqytta bizdiń bólimshege osyndaı alaıaqtyq týraly aryzben 9 adam júgindi. Aldyn ala málimet boıynsha, T.esimdi azamatsha deldal retinde 10 mıllıonnan 20 mıllıon teńgege deıin aldyn ala tólem alǵan, al jábirlenýshilerdiń birinen 83 mıllıon teńgeni alyp alǵan. Kúdikti ustaldy. Ol – Almaty oblysynyń turǵyny. Osy epızodtardyń barlyǵy bir óndiriske biriktirilip, sotqa deıingi tergeýdiń biryńǵaı tiziliminde qylmystyq is qozǵaldy», – dedi Bostandyq aýdandyq polısıa basqarmasynyń bastyǵy Maqsat Qanapáev.
Tártip saqshylary aldanǵandardyń áli de kóp bolýy múmkin ekenin joqqa shyǵarmaıdy. Kúdiktini tanyǵan jaǵdaıda polısıa kórsetilgen nómirlerge habarlasýdy suraıdy: 8-701-233-47-90; 8-747-700-00-72 jáne 8-778-677-67-65.