Resýrstardy únemdeý jáne bolashaq urpaqtyń ómirin qamtamasyz etý mádenıetin jaqsartýǵa kómektesedi.
Bul týraly Óńirlik komýnıkasıalar qyzmetiniń brıfıńinde QR Ulttyq ekonomıka mınıstrligi Tabıǵı monopolıalardy retteý komıtetiniń Almaty qalasy boıynsha departamentiniń basshysy Ásel Bódeneeva málimdedi, dep habarlaıdy Almaty-akshamy.kz
2024 jyly Qazaqstanda komýnaldyq resýrstardy tutynýdyń áleýmettik normalaryn engizý josparlanýda. Bastama negizgi komýnaldyq qyzmetke qatysty: sýmen jabdyqtaý jáne jylýmen jabdyqtaý.
ÓKQ spıkeri sý resýrstaryn tutyný mádenıetin arttyrý jáne tutynýshylardy sýdy jáne jylýdy únemdeýge yntalandyrý maqsatynda, tabıǵı monopolıalar týraly zańnamaǵa sýmen jabdyqtaý jáne jylýmen jabdyqtaý qyzmetterin tutyný kólemine baılanysty joǵary tarıfterdi belgileýge baǵyttalǵan jeke tulǵalar (halyq) tutynýshylar toptary úshin «tutynýdyń áleýmettik normalaryn» engizý bóliginde «neǵurlym kóp únemdeseńiz, soǵurlym az tóleısiz» qaǵıdaty boıynsha ózgerister engizilgenin atap ótti.
«Komýnaldyq menshik salasyndaǵy tabıǵı monopolıalar sýbektileriniń qosymsha alǵan tabysy TKSH salasyndaǵy basym mindetterdi sheshýge, onyń ishinde resýrs únemdeý tehnologıalaryn engizýge, jóndeý jumystaryn júrgizýge, prıborlaýǵa jáne t.b. baǵyttalatyn bolady», - dedi Ásel Bódeneeva.
Sýmen jabdyqtaý salasynda tutyný lımıtine baılanysty tórt deńgeıli tarıfti qoldaný kózdelgen, munda ekonomıkalyq shyǵyndar kelesideı bólingen:
1 top – 3 tekshe metrge deıin tutynýshylarǵa qoldanystaǵy tarıf;
2 top – 3-ten 5 tekshe metrge deıin tutynýshylarǵa tarıf qoldanystaǵy tarıften 20% - ǵa joǵary bolady;
3 top – 5-10 tekshe metrge tarıf 50 %-ǵa joǵary;
4 top – 10 tekshe metrden asatyn bolsa eki eselengen tarıf qoldanylady.
Jylýmen jabdyqtaý salasynda tarıfterdi saralaý bir abonentke shaqqandaǵy turǵyn úı alańynyń shamasy boıynsha júzege asyrylady.
1 top – 100 sh. m. deıin bekitilgen tarıf;
2 top – 100-den 200 sh. m. deıin tarıf bekitilgennen 10% - ǵa joǵary;
3 top – 200 sh.m. astam ortasha eńbek tarıfin qoldanatyn bolady.
«Tutynýdyń áleýmettik normalaryn engizý qosymsha tabystyń maqsatty paıdalanylýyn baqylaýmen súıemeldenetin bolady», – dep túsindirdi Á. Bódeneeva.