Ol 13 mln teńge para alǵan.
Almatyda kásipkerge qamqorlyǵy úshin para alǵan TJD basqarmasynyń bastyǵy jemqorlyq úshin sottaldy, dep habarlaıdy Almaty-akshamy.kz Sybaılas jemqorlyqqa qarsy is-qımyl agenttigine silteme jasap.
Osy jyldyń 8 jeltoqsanynda Qostanaı qalasynyń №2 sotymen Almaty qalasy TJD Basqarmasynyń bastyǵy azamattyq qorǵaý podpolkovnıgi A.K. Janyspaevqa qatysty úkim shyqty.
«Ol kásipkerge qamqorlyǵy úshin jalpy somasy 13 mln teńgeden astam aqshalaı syıaqy alǵany úshin kináli dep tanyldy», - dep jazylǵan habarlamada.
Janyspaev 5 jylǵa bas bostandyǵynan aıyrylyp, arnaýly ataǵynan, sondaı-aq memlekettik qyzmette ómir boıy qyzmet atqarý quqyǵynan aıyryldy.
Úkim zańdy kúshine engen joq.