21 jastaǵy azamat Bashýt shyńyna shyqpaq bolǵan.
Shuǵyl habarlamadan keıin oqıǵa ornyna Respýblıkalyq jedel-qutqarý jasaǵynyń qutqarýshylary jetedi. Qoly men aıaǵy synǵan týrıske alǵashqy kómek kórsetildi, dep habarlaıdy aqshamnews.kz 24.kz-ke silteme jasap.
Zembildiń kómegimen zardap shekken jan 3400 metr bıiktikten evakýasıalanyp, jedel járdem qyzmetkerlerine tapsyrylady. Qazir naýqas aýrahanada emdelip jatyr.
Serǵazy Ábdiqadyr, Respýblıkalyq jedel qutqarý jasaǵynyń bas qutqarýshysy:
Ol Bashýt shyńyna jaqyndaǵan kezde shalys basyp, shamamen 20-30 metr tómen qaraı syrǵyp ketken. Qulaǵanynyń áserinen ol bir qoly men aıaǵyn syndyryp alǵan. Sol kezde uıaly telefony qaltasynda bolǵannan keıin ol qutqarýshylardy shaqyrǵan. Oqys oqıǵa bolǵan jerge jaqyn ornalasqan Almaty qalasynyń qutqarý qyzmetiniń qutqarýshylary bolǵan jaqqa jyldam jetip, er azamatqa alǵashqy járdem kórsetken.