Almaty qalasynyń tótenshe jaǵdaılar departamenti Qazgıdromettiń daýyldy eskertýiniń negizinde 29 naýryzda Almaty qalasynyń taýly aımaqtarynda qatty jel soǵatynyn eskertti.
«Taýly aımaqtarda batys jaqtan qatty jel soǵyp, jel ekpini sekýndyna 22-28 metrge deıin jetedi. Qatty jaýyn-shashyn (qar, jańbyr) nemese qatty jel, daýyl týraly eskertý jarıalanǵan jaǵdaıda, taýly aımaqqa barýdy keıinge qaldyrǵan durys», — dep eskertti qutqarýshylar.
Almaty qalasy TJD-nyń málimetinshe, eger taýda bolsańyz, muqıat bolyp, aýa-raıynyń ózgerýin qadaǵalaǵan jón.
Úıge qaıtýdy táýliktiń keshki ýaqytyna qaldyrmaý kerek, sebebi, keri baǵytty taba almaýyńyz múmkin.
Rúkzaktarda kelesideı qajetti zattar bolýy tıis: jyly kıimder, kútpegen jaǵdaıda dárigerge deıingi kómek kórsetýge arnalǵan dári qobdıshasy, GPS navıgatorlarynyń bolýy artyq bolmaıdy.