İle-Alataý ulttyq saıabaǵynyń 10 taý baǵyttarynda týrıserdiń qaýipsizdigin jáne habardar bolýyn qamtamasyz etýge, sondaı-aq taýlarda tabıǵatty saqtaýǵa arnalǵan úsh tilde: qazaq, orys jáne aǵylshyn tilderinde jańa aqparattyq taqtaıshalar paıda boldy, dep habarlaıdy almaty-akshamy.kz
Almaty Tourism Bureau basshysy Kamıla Luqpanova «Biz taý ınfraqurylymyn damytýǵa erekshe nazar aýdara otyryp, týrısik tájirıbeni jaqsartý boıynsha jumys istep jatyrmyz. Ornatylǵan taqtaıshalar týrıserdi bir mezgilde habardar etedi jáne ekologıalyq jaýapkershilikke shaqyrady. «Tabıǵatty qorǵańyz jáne úıge jaǵymdy áserlermen oralyńyz!» «Make earth green to keep it clean!», «Ózińizden keıin, tazalyqty saqtaǵanyńyz úshin rahmet!», «Our climate is changing; why aren’t we?» – taý áýesqoılary úshin tabıǵı baılyqqa uqypty qaraý týraly eske salyp turady», – dep atap kórsetti.
Aqparattyq taqtaıshalar - shaǵylystyrǵysh jabynmen qaptalǵan metal taqtaıshalardan turady. Olar vandalızmge tózimdi senimdi qondyrǵylarmen jabdyqtalǵan jáne baǵyttarǵa ornatylǵan:
- Býtakovka shatqaly
- Kimasar shatqaly
- «Gorelnık» kempıng aımaǵy
- Kishi Almaty shatqaly (Medeý)
- Kishi Almaty shatqaly (Aqbulaq)
- «Qaıyń toǵaıy» kempıng aımaǵy
- Úlken Almaty shatqaly (GES-2)
- Prohodnoe shatqaly
- Kazachka shatqaly
- «Kazachka» kempıng - aımaǵy
Sondaı-aq, bul oryndarda baǵyttyń uzaqtyǵy jáne ótý ýaqyty týraly kórsetkishter ornatylǵan. Almaty Tourism Bureau taýly joryqtar kezinde qaýipsizdik erejelerin saqtaýdy eske salady, sondaı-aq demalýshylardan tabıǵatqa uqypty qaraýdy, taýda qoqys qaldyrmaýdy suraıdy, óıtkeni tazalyqtyń saqtalýy týrıserdiń ózderine baılanysty.