TJM qutqarýshylary taýdaǵy qaýipsiz júris-turys erejelerin saqtaýdy eske salady.
TJM Respýblıkalyq jedel-qutqarý jasaǵynyń qutqarýshylary Almaty qalasy Medeý aýdanynyń taýlarynda Býkreev shyńynan Býtakov shatqalyna qaraı túsip kele jatqan kezde joldan adasyp ketken úsh jasóspirimdi qutqardy, dep habarlaıdy Almaty-akshamy.kz
QR TJM baspasóz qyzmetiniń habarlaýynsha, saǵat 19.43-te týrıserdi izdeýge 5 adamnan turatyn jedel qutqarýshylar toby, onyń ishinde kınologıalyq eseptop shyqty. Saǵat 21.14-te qutqarýshylar jasóspirimderdi taýyp, Respýblıkalyq jedel-qutqarý jasaǵynyń kóligine qaraı túsirý jumystaryn bastady.
"Saǵat 23.05-te top balalarmen birge orman asýyna jetip, tómen túsýdi jalǵastyrdy. Saǵat 00:19-da qutqarýshylar men balalar Respýblıkalyq jedel-qutqarý jasaǵynyń kóligine jetti. Býtakov shatqalyndaǵy shlagbaým mańynda olardy jasóspirimderdiń týystary kútip aldy", delingen habarlamada.
"Týystaryńyzǵa nemese jaqyndaryńyzǵa árqashan josparlanǵan marshrýt týraly eskertińizder, taýǵa bir-birden barmańyzdar, qaýipsizdik úshin joldy qysqartpańyzdar, marshrýttyń negizgi bóligin kúndizgi ýaqytta jasańyzdar", delingen habarlamada.