Sot sheshimimen «Taýly Qyrat» ÓK 2767 jáne 2768 ýchaskede qurylysy aıaqtalmaǵan eki úı buzyldy, dep habarlaıdy Almaty qalasynyń Qala qurylysyn baqylaý basqarmasy.
Jeke menshik ıesi (jeke tulǵa) ruqsatsyz taý bókterinde úı salǵan. Sonymen qatar, qurylys jumystary kezinde atalǵan aýmaqtarǵa jol salý úshin taý bókteriniń etegi kesilip, ekojúıege zalal keltirilgen.
Basqarma jer ýchaskelerin bastapqy qalpyna keltirý týraly nusqama berip, menshik ıesine qatysty ákimshilik sharalar qabyldady.
Alaıda nusqamada kórsetilgen talaptar oryndalmaǵandyqtan, basqarma sotqa májbúrlep buzý týraly talap-aryz bergen.
2024 jyly 17 qazanda Medeý aýdandyq soty talap-aryzdy qanaǵattandyryp, sot qaýlysy Almaty qalasynyń ádilet departamentine oryndaýǵa jiberilgen.
Sot sheshimin oryndaý maqsatynda jýyrda menshik ıesi zańsyz nysandardy ózi buzyp tastady.