Temir dáýirine arnalǵan kórme
Bıyl ásem shahardyń betkeustar Almaty tarıhy mýzeıine 20 jyl toldy. Mereıtoıǵa oraı murajaıda qalanyń bizdiń zamanymyzǵa deıin erte ǵasyrlarda qoldanylǵan qundy jádigerleri kórsetildi, dep habarlaıdy Almaty-akshamy.kz Almaty.tv-ge silteme jasap.
Aıta keteıik, orta ǵasyrlarda Almaty Uly Jibek joly boıyndaǵy baı damyǵan órkenıetti qala boldy. Kórmede onyń dáleli bolatyn kúmis dırhemder qoıyldy. Ony arheologtar qaladaǵy shekarashylar akademıasy ornalasqan kóne qalashyqtan tapqan. Oǵan qosa, sharada Almaty mýzeıi qoryndaǵy 3 myń jyl buryn tabylǵan artefaktiler usynyldy. Kelem deýshiler úshin kórme 12 qyrkúıekke deıin jalǵasady.
«Mýzeıde qoıylǵan jádigerler negizinen alǵanda qola dáýirinen erte temir dáýirinen smaq-skıf, ásirese, úısinderdiń materıaldary keremet. Úısinderdiń úlken qazańdary. Mýzeı ǵalymdarynyń tańdap óte bir ǵylymı, estetıkalyq talǵammen qoıylǵan dúnıeler. Muny qala jurtshylyǵy, qonaqtary kóredi», – dedi arheolog, Ábdesh Tóleýbaev.