Almaty qalasynyń Óńirlik komýnıkasıalar qyzmetiniń alańynda múmkindigi shekteýli jandarǵa arnalǵan «Almaty» sport klýby basshysynyń orynbasary Aleksandr Polýhın sportshylardyń X Azıa Tynyq muhıty oıyndaryndaǵy jetistikterimen bólisti, dep habarlaıdy aqshamnews.kz
16 sportshy men 3 jattyqtyrýshydan turatyn komanda jarystan 2 altyn, 8 kúmis jáne 2 qola medal jeńip alyp, keremet nátıjelermen oraldy.
Grek-rım jáne erkin kúreste jeńiske jetken Haırathaan Shonhý klýbqa altyn medaldar ákeldi.
Aleksandr Polýhınniń sózinshe, bul jetistik jaqsy daıyndyq nátıjesi ekenin kórsetti.
«Osyndaı joǵary nátıjelerge qol jetkizý úshin sportshylar men jattyqtyrýshylar úlken jumys jasady. Biz Almaty qalasynyń ákimdigi men sport basqarmasyna alǵa qoıylǵan maqsattarǵa jetý úshin barlyq qajetti jaǵdaılardy jasaǵany úshin zor alǵysymyzdy bildiremiz», — dep bólisti ÓKQ spıkeri.
Sportshylardy qoldaý aıasynda Almaty ákimdigi qamtamasyz etti:
• Jarystarǵa daıyndyqty tolyqtaı qarjylandyrdy.
• Aǵymdaǵy jyly klýb músheleriniń sany 34 adamǵa deıin kóbeıgen edi, klýb múshelerine aı saıynǵy tólemder.
Sonymen qatar, 2023 jyly qysqy jáne jazǵy Sýrdlımpıada oıyndarynda sátti óner kórsetkeni úshin klýb sportshylaryna 12 páter bólindi:
•4 úsh bólmeli páter – altyn medaldar úshin.
•2 eki bólmeli – kúmis medaldar úshin.
•6 bir bólmeli-qola medaldar úshin.
«Biz sportshylarymyzdyń laıyqty qarjylyq jáne áleýmettik qoldaý alǵanyn kórgenimizge qýanyshtymyz. Bul bizdi bolashaqqa órshil maqsattar qoıýǵa ıtermeleıdi», - dep atap ótti Aleksandr Polýhın.
2025 jyly klýbtyń aldynda Tokıodaǵy Jazǵy Sýrdlımpıada oıyndaryna sapaly daıyndyq pen sátti óner kórsetý mindeti tur.
Jalpy, Qazaqstan quramasy estý qabiletin nashar sportshylar arasynda ótken H Azıa Tynyq muhıty oıyndarynda 66 medal jeńip alyp, 17 altyn, 25 kúmis jáne 24 qola júldege ıe boldy. Jarys 2024 jyldyń 1-8 jeltoqsany aralyǵynda Kýala-Lýmpýrda (Malaızıa) ótti jáne 21 elden 1300 sportshynyń basyn qosty.