Mamandar qala turǵyndaryn ekpe alýǵa shaqyrdy.
Almaty qalasy «sary» aımaqqa aýysty. Bul týraly Densaýlyq saqtaý mınıstrligi sanıtarlyq-epıdemıologıalyq baqylaý komıtetiniń resmı ókili Erjan Baıtanaev málim etti, dep habarlaıdy Almaty-akshamy.kz.
«4 shildeden bastap Almaty qalasy «sary» aımaqqa ótti. Qazirgi ýaqytta qalanyń memlekettik bas sanıtar dárigeri qaýlyny daıarlaý ústinde. Qaýlyda barlyǵy jazylady. Osy oraıda biz ár azamatty koronavırýsqa qarsy vaksına alýǵa jáne revaksınasıadan ótýge shaqyramyz», - dedi Erjan Baıtanaev QazAqparat tilshisine telefon arqyly.
Onyń aıtýynsha, búginde koronavırýsqa shaldyǵyp jatqan azamattardyń 80 paıyzy vaksına almaǵan.
«Qazaqstandyqtardy ózi men jaqyndarynyń densaýlyǵyn saqtaý maqsatynda vaksına alýdyń barlyq prosesinen ótýge shuǵyl túrde shaqyramyz. Bul proses ujymdyq ımýnıtetti qalyptastyra túsý úshin de mańyzdy», - deıdi ol.