Almaty qýyrshaq teatry álemdegi bedeli zor Shekspır festıvaline joldama aldy

  • 15:42, 05 tamyz 2025
Almaty qýyrshaq teatry álemdegi bedeli zor Shekspır festıvaline joldama aldy sýret: Almaty qýyrshaq teatry

Fransıanyń Avınon qalasynda aǵymdaǵy jyldyń shilde aıynda ótken Halyqaralyq «Off Avignon» festıvali aıasynda álemdik teatr keńistiginde bedeli zor «International Shakespeare Festival Craiova» uıymdastyrǵan erekshe joba júzege asty, dep habarlaıdy Aqshamnews.kz. 

Bul bastama Ýılám Shekspır shyǵarmalarynyń zamanaýı ınterpretasıasyna arnalǵan úzdik spektáklder men teatr ujymdaryn irikteýdi maqsat etedi. Álemniń ár túkpirinen usynylǵan 18 teatrdyń arasynan iriktelingen eki úzdik ujymnyń biri bolyp Almaty qalasy Memlekettik qýyrshaq teatry tańdaldy. Óner ordasy Almaty qalasy ákimdiginiń qoldaýymen shilde aıynyń 16-26 kúnderi aralyǵynda Ýılám Shekspırdiń «Romeo men Djýletta» spektaklin qýyrshaq beınesinde sahnalap, kórermenniń ystyq yqylasyna bólengen. 

1994 jyldan beri Rýmynıanyń Kraıova qalasynda turaqty túrde ótkizilip kele jatqan bul festıvál búginde álemdik teatr sahnasyndaǵy eń bedeldi ári jańashyl mádenı jobalardyń biri sanalady. Jyl saıyn aýqymy keńeıip, óner súıer qaýymnyń yqylasyna bólenip kele jatqan festıvál 2024 jyly 70 túrli lokasıada 380 spektákl usynyp, 200 myńnan astam kórermendi qamtyǵan bolatyn. Osyndaı joǵary talaptar men irikteý kezeńinen ótip, álem sahnasynda óner kórsetý múmkindigine ıe bolý – Almaty qalasynyń Memlekettik qýyrshaq teatry úshin úlken mártebe, ulttyq mádenıetimiz úshin aıryqsha jetistik.

«Biz “Romeo men Djýletta” spektaklin tamashalap shyqtyq. Qatty serpilis aldyq. Bul bir erekshe ǵajaıyp spektákl boldy. Avınondaǵy festıváldiń úzdik týyndylarynyń biri dep aıta alamyn. Kózime jas alǵan sátter de boldy. Joǵarǵy deńgeıde sahnalanǵan, rejıssýrasy da, akterlik oıyny da keremet spektákl. Bizge osyndaı týyndyny kórýge múmkindik bergenderińiz úshin alǵys bildiremiz!» – dep atap ótti «International Shakespeare Festival Craiova» festıvaliniń uıymdastyrýshysy Andreı Stefaneskú.

2026 jyly rejıser Dına Jumabaıdyń «Romeo men Djýletta» spektakli qazaq tilinde álemdik sahnaǵa jol tartyp, jańa bıikke kóteriledi.  Shekspır murasyn jańa kózqaraspen talqylaıtyn, túrli mádenıetterdi baılanystyratyn halyqaralyq dıalog alańyna aınalǵan Rýmynıadaǵy bul festıvál – Almaty qalasynyń Memlekettik qýyrshaq teatry úshin Fransıadaǵy «Off Avignon» jobasynyń tabysty nátıjesi boldy.

Teatr álemindegi úzdik shyǵarmashylyq ujymdarmen baılanys ornatý, kásibı tájirıbe almasý, bolashaqta birlesken jobalardy júzege asyrýǵa múmkindik berý syndy kóptegen mańyzdy maqsattardy júzege asyrǵan «Off Avignon» festıvali – Almaty qalasy Memlekettik qýyrshaq teatrynyń Fransıa, Anglıa, Germanıa, Italıa syndy eldermen mádenı baılanysyn keńeıtip, shyǵarmashylyq kókjıegin jańa deńgeıge kótergen mańyzdy kópirge aınaldy.

 

Sizdiń reaksıańyz?
Unaıdy
0
Unamaıdy
0
Kúlkili
0
Shekten shyqqan
0
Sońǵy jańalyqtar

22:11

17:20

16:34

15:42

15:25

14:28

13:31

12:32

12:22

12:09

12:00

11:18

10:52

10:25

10:14

09:54

09:11

20:48

17:13

16:48

16:47

16:42

16:32

15:53

15:30