Onyń jaǵdaıy aýyr, zardap shegýshini tasymaldaý jáne aýrýhanaǵa jatqyzý qajet.
Shahar qutqarýshylary habarsyz ketken Álıa Kamıeva tapty, dep habarlaıdy Almaty-akshamy.kz.
« 8 shilde kúni saǵat 10 saǵat 56 mınýtta Almaty qalasy TJ departamentine RJQJ-dan BAO aýmaǵynda habarsyz ketken Álıa Kamıeva tabylǵany týraly aqparat kelip tústi. Onyń jaǵdaıy aýyr dep baǵalanady, zardap shegýshini tasymaldaý jáne aýrýhanaǵa jatqyzý qajet», – delingen Almaty qalasynyń Tótenshe jaǵdaılar departamentiniń baspasóz qyzmetiniń habarynda.
Resmıt derek boıynsha, departament QR TJM «Qazavıaqutqarý» tikushaǵynyń ushýyn uıymdastyrdy.
Esterińizge sala ketsek, 7 shildeden beri qutqarýshylar izdestirý-qutqarý jumystaryn júrgizip, maksımaldy kúshter men quraldaryn jumsaǵan bolatyn. Bul jumysty respýblıkalyq jedel-qutqarý jasaǵynyń qyzmetkerleri, eki kınologıalyq esep, « 109» qutqarý qyzmeti, 75 volonter júrgizdi.
Búdan buryn habarlaǵandaı, 7 shilde kúni Almaty qutqarýshylaryna habarsyz ketken azamatshanyń anasy telefon shalyp, ótinish bildirgen bolatyn.