Búgin QR Parlamenti Májilisiniń depýtaty, AMANAT fraksıasynyń múshesi Syrym Adambaev Almatydaǵy «ASSET» JSHS polımerlik buıymdardy óndirý zaýytynyń jumysymen tanysý jáne kásiporyn qyzmetkerlerimen kezdesý barysynda osyndaı pikirimen bólisti, dep habarlaıdy Almaty-akshamy.kz.
«ASSET kompanıasy» - 2009 jyly Qazaqstan men búkil Orta Azıa naryǵyna eń sapaly qurylys materıaldaryn jetkizetin kompanıa. Óziniń damý kezeńinde úsh adamnan turatyn shaǵyn kásiporynnan qurylys materıaldary naryǵynda 60 jumyskeri bar iri óndiriske deıingi joldy ótti. Qazir zaýyt Almaty qalasynyń Indýstrıalyq aımaǵynda ornalasqan, onda 70 jobanyń 19-y iske asyrylyp, jyl basynan beri 3500-den astam jumys orny ashyldy. Qalǵan jobalardy 2025 jylǵa deıin iske asyrý josparlanýda, nátıjesinde atalǵan aýmaqta Almaty qalasynda saılaýaldy baǵdarlamany oryndaý jónindegi Jol kartasyna sáıkes 8 myńnan astam jumys orny qurylady.
Qazirgi ýaqytta zaýyt Qazaqstandaǵy jeldetý, jylý jáne gıdrooqshaýlaý qurylys júıeleriniń arasynda jetekshi orynda. Zaýyt sonymen qatar jýǵysh zattardy – kıim jáne ydys jýatyn suıyq zattar men sabyn shyǵarýmen aınalysady.
Zaýyt qyzmetkerlerin tyńdap bolǵan soń, Parlament múshesi qyzmetkerlerge qajetti jaǵdaı jasalǵanyna, jalaqy ýaqytyly beriletinine, ındýstrıalyq aımaqta úsh avtobýs baǵyty jumys isteıtinine kóz jetkizdi. Jumysshylar depýtattan joldardyń jaǵdaıyn jaqsartýdy jáne qosymsha jol belgilerin qoıýdy surady.
«Bizdiń fraksıa músheleri Qazaqstan boıynsha kezdesýler ótkizýde. Kezdesýler ártúrli jerlerde ótedi – bul mektepter, aýrýhanalar, murajaılar, zaýyttar jáne basqa da salynyp jatqan nysandar. Búgin biz otandyq materıaldar shyǵarylatyn jáne baǵasy shetelden tómen bolatyn Indýstrıalyq aımaqqa bardyq. Sondaı-aq, munda arnaıy joǵary oqý ornyn ashý josparlanýda, stýdentter endi tikeleı óndiriste tájirıbeden óte alady», - dep atap ótti S.Adambaev.
Búgin májilismender Almatydaǵy halyqpen kezdesýlerdi aıaqtady. Eńbek ujymdarymen, jastarmen sóılesý, olardyń problemalaryn bilý jáne respýblıkalyq deńgeıde kóterý - depýtattardyń basty maqsaty. Nátıjesinde depýtattar azamattardyń tilekteri men usynystaryn eskere otyryp, olardyń máselelerin respýblıkalyq deńgeıde kóteredi, al olardyń quqyqtyq sheshimderdi talap etetinderin talqylaýdan keıin zańnamalyq túrde bekitedi.
Bul joly AMANAT partıasy fraksıasynyń músheleri Almaty qalasyndaǵy otyzdan astam eńbek ujymynda bolyp, myńǵa jýyq almatylyqtarmen kezdesti.