Jyl basynan beri megapolıs ekonomıkasy qarqyndy túrde ósip keledi. Qysqa merzimde ekonomıkalyq ındıkator 122,2%-ke deıin, jyldyq ınflásıanyń baıaýlaýy aıasynda iskerlik belsendilik ındeksi 58,7% tarmaqqa deıin jedeldedi. Saýda, óńdeý ónerkásibi, kólik pen qoımalaý – ekonomıkalyq ósimniń draıveri boldy, dep habarlaıdy Almaty-akshamy.kz QazAqparatqa silteme jasap.
Buǵan deıin Qasym-Jomart Toqaev shahardy órkendetýge qatysty birneshe baǵytta atqarylýǵa tıis jumystarǵa nazar aýdarǵan bolatyn.
Memleket basshysynyń aıtýynsha, eń aldymen, qala ekonomıkasyn ártaraptandyrý arqyly onyń turaqty damýyn qamtamasyz etý qajet. Almaty – elimizdiń ekonomıkalyq damýynyń qozǵaýshy kúshi jáne kóshbasshysy. Jalpy ishki ónimniń besten bir bóligi, búdjet kirisiniń 25 paıyzdan astamy jáne Qazaqstannyń saýda operasıalarynyń úshten bir bóligi osy qalaǵa tıesili.
«Ekonomıkanyń ártaraptandyrylý deńgeıiniń tómen bolýy qala turǵyndary tabysynyń ósimin baıaýlatady. Qala «ortasha tabys tuzaǵyna» tústi, odan shyǵý úshin qala ekonomıkasyn túbegeıli ártaraptandyrý qajet. Óńdeý ónerkásibin, týrızmdi, IT sektoryn jáne kreatıvti ındýstrıany damytýǵa basa nazar aýdarý kerek. Básekelestikti yntalandyrý, ınvestısıa tartý jáne eńbek ónimdiligin aıtarlyqtaı arttyrý qajet. Qala jaǵdaıyndaǵy óńdeý ónerkásibin damytý isi ekologıalyq taza jáne yqshamdy zamanaýı tehnologıalardy qoldana otyryp, úderisterdi joǵary deńgeıde avtomattandyrýmen jáne sıfrlandyrýmen qatar júzege asyrylýy kerek. Almatynyń ındýstrıalyq aımaǵy men «Alataý» ınovasıalyq tehnologıalar parkiniń áleýetin tolyq paıdalaný qajet», – degen edi Prezıdent Almaty jurtshylyǵymen kezdesý barysynda.
Memleket basshysynyń tapsyrmasyn basymdyqqa ala otyryp, Almatyda memlekettik jáne qalalyq baǵdarlamalar aıasynda 3 myńnan astam jobany qoldaý úshin bıyl 44 mlrd teńge bólindi.
Qysqa merzimde ekonomıkalyq ındıkator 122,2%-ke deıin, jyldyq ınflásıanyń baıaýlaýy aıasynda iskerlik belsendilik ındeksi 58,7% tarmaqqa deıin jedeldedi. Saýda, óńdeý ónerkásibi, kólik pen qoımalaý – ekonomıkalyq ósimniń draıveri boldy.
Qalada jyl basynan beri iskerlik belsendiliktiń aıtarlyqtaı ósýi baıqalady. Bıylǵy jyldyń birinshi toqsanynda iskerlik belsendilik ındeksiniń deńgeıi boıynsha (58,7% ) Almaty Qazaqstan óńirleri arasynda birinshi orynǵa shyqty. Qysqa merzimdi ekonomıkalyq ındıkator 23,9% artty.
Ókilettikterdi ortalyqsyzdandyrý jónindegi Memleket basshysynyń tapsyrmasyn oryndaý boıynsha, 1 sáýirden bastap qalalyq ákimdiktiń 15 fýnksıasy aýdandyq ákimdikterge berilip, olardyń búdjeti 2,7 ese, ıaǵnı 161,6 mıllıard teńgege deıin ulǵaıtyldy.
Esepti kezeńde negizi kapıtalǵa 484 mlrd teńge ınvestısıa tartyldy. Bul rette jeke ınvestısıalar 2,7%-ke ósken.