Bilim sapasyn arttyrý ózekti másele bolyp qala beredi.
QR Oqý-aǵartý mınıstri Ǵanı Beısembaev Almatyǵa jumys sapary barysynda ustazdarmen jáne bilim berý uıymdarynyń basshylarymen keńes ótkizdi, dep habarlaıdy Almaty-akshamy.kz.
QR Oqý-aǵartý mınıstrliginiń baspasóz qyzmetiniń málimetinshe, Almaty qalasynyń ákimi Erbolat Dosaev pen Ǵanı Beısembaev qol qoıǵan Almaty qalasynyń bilim berý júıesin damytýdyń jol kartasy bilim sapasyn arttyrýǵa, jaıly jáne qaýipsiz ortany qamtamasyz etýge baǵyttalǵan 80-nen astam is-sharany qamtıdy. Sonyń ishinde muǵalimderdiń biliktiligin arttyrý jáne attestasıalaý, muǵalimderdiń biliktiligin arttyrý kýrstarynyń mazmunyn jańartý máseleleri bar.
«Bilim sapasyn arttyrý, ustaz mártebesin odan ári kótermeleý ózekti másele bolyp qala beredi. 2020–2021 jyldary mektepterdiń jańartylǵan baǵdarlamalarǵa kóshýi aıaqtaldy, bilim berý uıymdaryn baǵalaý krıterııleri engizildi. Bilim berý uıymdary basshylarynyń respýblıkalyq kadr rezervin jasaqtaý josparlanýda», – dedi mınıstr.
Kezdesý barysynda arnaıy bilim berý, tárbıe jumysy, balalardyń qaýipsizdigin qamtamasyz etý jáne ınfraqurylymdy damytý máseleleri talqylandy.
Ǵanı Beısembaev jumys sapary barysynda Abaı atyndaǵy daryndy balalarǵa arnalǵan respýblıkalyq jalpy bilim beretin mektep-ınternatynyń jumysymen tanysty. Sonymen qatar, Oqý-aǵartý mınıstri balalardyń qaýipsizdigin tekserý maqsatynda birqatar bilim berý uıymdaryn aralady.