Mundaı málimetti Óńirlik komýnıkasıalar qyzmetiniń brıfıńinde Almaty qalasynyń Aýmaqtyq saılaý komısıasynyń tóraıymy Aıgúl Qalyqova keltirdi, dep habarlaıdy Almaty-akshamy.kz.
Atap ótetin jaıt, saılanatyn 42 depýtattyń 21-i - birmandattyq aýmaqtyq saılaý okrýgteri boıynsha, 21-i - partıalyq tizim boıynsha.
Qazirgi ýaqytta Almaty qalasynyń máslıhat depýtattaryn partıalyq tizimder arqyly saılaý boıynsha 6 saıası partıanyń tizimderimen 153 kandıdat usynyldy. Atap aıtqanda:
«Qazaqstan Halyq partıasy» qoǵamdyq birlestigi (42 kandıdat)
«Aq jol» Qazaqstan demokratıalyq partıasy» qoǵamdyq birlestigi (20 kandıdat)
«AMANAT» partıasy» qoǵamdyq birlestiginiń Almaty qalalyq fılıaly (63 kandıdat)
«Aýyl» Halyqtyq-demokratıalyq patrıottyq partıasy» qoǵamdyq birlestigi» (6 kandıdat)
«Respublica» partıasy» qoǵamdyq birlestigi» (15 kandıdat)
«Qazaqstannyń «Baıtaq» jasyldar partıasy» qoǵamdyq birlestigi (7 kandıdat)
Saıası partıalar qujattardy "Saılaý týraly" Konstıtýsıalyq zańnyń talaptaryna sáıkes usynady. Árbir partıalyq tizimde áıelder men 29 jasqa tolmaǵan adamdardyń sany keminde 30 paıyzdy quraıdy.
Almaty qalasy máslıhaty depýtattaryn saılaý boıynsha 21 birmandattyq aýmaqtyq saılaý okrýgteri boıynsha 210 kandıdat usynyldy.
Ortasha eseppen birmandatqa 10 adamnan keledi. Eń úlken básekelestik 4-shi okrýgte bir oryn úshin 19 adam.
Usynylǵan kandıdattardyń 166-sy er adam, 44-i áıel adam.
Eń jas kandıdat 2002 jylǵy bolsa, eń úlkeni - 1947 jylǵy.
"Saılaý týraly" Konstıtýsıalyq zańǵa sáıkes kandıdattardy tirkeý týraly málimetter BAQ-tarda jáne saılaý komısıalarynyń ınternet-resýrsynda jarıalanady.