Almatylyq kásipkerler óz qyzmetkerlerine jaqsy jaǵdaı jasap, eńbekaqysyn tólep, shyǵynsyz jumys isteýdi qalaıdy.
Almatyda aqpan aıynan bastap medısına qyzmetkerleri, quqyq qorǵaý organdarynyń qyzmetkerleri men muǵalimder vaksına alýdy bastady. Sáýir aıynan bastap barlyǵy koronavırýsqa qarsy ekpe aldy, dep habarlaıdy Almaty-akshamy.kz.
KVI indetine qarsy kúreste kásiporyn ujymdaryna, ásirese, saýda jáne qyzmet kórsetý salalaryna vaksına alý mańyzdy. Emhanalarda qurylǵan mobıldi brıgadalar barlyq nysandaǵy uıymdarǵa vaksına alýǵa barady. Almatyda 72 iri ónerkásip pen óndiristik kásiporyn bar.
Almatynyń «Nefros Azıa» jáne Future Trade Company kásiporyndarynda tıisinshe 70% jáne 95% ujym ekpe aldy. Kompanıa qyzmetkerleriniń aıtýynsha, koronavırýsqa qarsy vaksına ózin jáne basqalardy qorǵaýǵa múmkindik beredi. Alǵashqy bolyp basshylar ekpe aldy.
«Nefros Azıa» JSHS óńirlik dırektory Juldyz Nurseıitova Qazaqstan boıynsha medısınalyq holdıńtiń 45 fılıaly bar ekenin aıtty. Bul gemodıalız ortalyqtary, olardyń jumysy naýqastar úshin mańyzdy.
J. Nurseıitova vaksınanyń eki komponentin sáýir aıynda aldy, sol ýaqytta kóptegen medısınalyq bilimi bar mamandar qaýipti vırýsqa qarsy ekpe alǵan. Búginde barlyq óńirde 1000-ǵa jýyq qyzmetker ekpe aldy, bul ujymnyń 70%-yn quraıdy.
«Búginde basqa qyzmetkerler kún saıyn 2-3 adamnan ekpe alýda. Qyzmetkerler erikti túrde vaksına saldyrýda. Olar emhanada turǵylyqty jeri boıynsha vaksına alady. Vaksına juqtyrý qaýpin azaıtýǵa kómektesedi dep senemin. Bizdiń ortalyqtarda barlyq sanıtarlyq-epıdemıologıalyq normalar saqtalýda, áleýmettik qashyqtyq, betperde rejımi saqtalýda, biraq báribir úırenshikti ómir saltyna oralǵym keledi, bul jaǵdaıǵa vaksına alý kómektesedi»,– dep oıymen bólisti Juldyz Nurseıitova.
Aımaqtyq dırektor qyzmetkerlermen, naýqastarmen jeke sóılesetinin, koronavırýstan qorǵaný qajettiligi týraly jáne vaksına saldyrý mańyzdylyǵy jaıly túsindirme jumystaryn ótkizetinin aıtty.
FUTURE TRADE COMPANY JSHS óz qyzmetkerlerine vaksına alý týraly aıtty. Kásipker Dáýlet Shákıev búginde jartylaı «qashyqta» jumys isteıtinin habarlady. Alaıda, olar jumysty ádettegideı jalǵastyrǵysy keledi, sondyqtan olar ujym bolyp ekpe alady. Olardyń kompanıasy megapolıstegi azyq-túliktiń negizgi dıstrıbútory, sondyqtan «offlaın» rejıminde jumys isteý qıyn.
«Meniń oıymsha, bizdiń ujymda 95%-y vaksına aldy. Qazir offlaın rejımde jumys isteıtinderdiń barlyǵy - vaksına alǵan nemese aýyryp qalǵan qyzmetkerler. Sondaı-aq antıdenelerdiń bolýy týraly anyqtama bar. Men vaksınanyń birinshi komponentin aldym, janama áserler bolǵan joq, tek álsizdik bar. Búgin nemese erteń vaksınanyń ekinshi komponentin alýǵa baramyn. Bul indetpen kúrestegi jalǵyz qural dep oılaımyn», - deıdi Dáýlet Shakıev.
Dáýlet Shakıevtiń aıtýynsha, ótken jyly bıznes úlken shyǵynǵa ushyrady, qazir olar reanımasıalandy, biraq aýrý qaıta órshise, qalpyna keltirý qıyn bolady. Sondyqtan kásipker úshin «ujymdyq ımýnıtetti» qurý mańyzdy.
«Men eshkimdi májbúrlemeımin, biraq aýrýdyń óte aýyr ekenin bilgen durys. Ár adam basqalar úshin jaýapkershilikti sezinýi tıis», – dep jalǵastyrdy Dáýlet Shákıev.
Eske salsaq, buǵan deıin ońtústik astananyń kásiporyndarynda «Almaty elektr qalqany zaýyty» JSHS, «Húndaı Trans» JSHS, «KSM Tehnovıd» JSHS, «Maslo-del» JSHS, 2-JEO qyzmetkerleri ujymdyq túrde vaksına aldy. Olarǵa medısınalyq brıgadalar bardy.
«Qaǵanat» asqanalar jelisiniń basshysy Shynar Buǵymbaeva vaksına alýdyń mańyzy týraly birneshe ret aıtty, ol óziniń 1500 adamnan asatyn ujymyna vaksınanyń óte tıimdiligi týraly túsindirme jumystaryn júrgizdi.
Jalpy, almatylyq kásipkerler óz qyzmetkerlerine jaqsy jaǵdaı jasap, eńbekaqysyn tólep, shyǵynsyz jumys isteýdi qalaıdy.
Kún saıyn 208 ekpe pýnktiniń kez kelgenine baryp, koronavırýsqa qarsy vaksına saldyrýǵa bolady.
Osy jylǵy 10 maýsymdaǵy jaǵdaı boıynsha, 29 671 adam vaksınalandy. Qalada medısınalyq uıymdarda, mektepterde, mádenıet, sport obektilerinde, bazarlar men qalanyń SOSO-da 211 vaksına pýnkti jumys isteıdi. Quramynda 1 257 adam bar 304 ekpe brıgadasy jumys isteıdi.