Almatynyń Jetisý aýdanyndaǵy Kemel sh/a qurylysy aǵymdaǵy jyldyń tamyz aıynda bastalǵan kópirdiń tehnıkalyq ashylýy ótti. Esterińizge sala keteıik, buǵan deıin megapolıs basshysy Erbolat Dosaevtyń tapsyrmasy boıynsha kópir boıyndaǵy apatty jaǵdaıǵa saldarynan qozǵalys jabylyp, jańasyn salý týraly sheshim qabyldanǵan bolatyn, dep habarlaıdy aqshamnews.kz
Bir aralyqty tıptegi jańa kópir qurylymy qysqa merzimde-shamamen 4 aıda turǵyzyldy. Jumystyń birinshi kezeńi aıasynda apattyq kópirdi bólshekteý, ınjenerlik jelilerdi qaıta qurý, 29 metrlik burǵylaý qadalaryn montajdaý, tirekter men tirek jelilerin ornatý júrgizildi.
Salynǵan kópir eskiden eki ese uzyn: 16,8 metrge qarsy 33 metr. Sondaı-aq eni 8,5-ten 14,5 metrge deıin ulǵaıtyldy, júris bóliginiń eki jaǵynda árqaısysy 1,5 metr jaıaý júrginshiler trotýary uıymdastyryldy.
Jańa kópir tolyǵymen aıaqtaldy jáne barlyq erejelerge saı salynǵan. Ol avtokólik júrgizýshileri men jaıaý júrginshiler úshin qaýipsiz qozǵalysqa kepildik bere otyryp, barlyq qajetti tekserýler men synaqtardan ótti.
Ekinshi kezeń aıasynda ózen arnasyn nyǵaıtý jáne jaryqtandyrýdy qamtıtyn abattandyrý jumystary jalǵasýda. Budan basqa, ózen arnasyn tehnıka úshin ýaqytsha negizden tazartý júrgiziletin bolady. Bul jumystardy aǵymdaǵy aıdyń sońyna deıin júrgizý josparlanýda.
Esterińizge sala keteıik, maýsym aıynda 60-shy jyldardaǵy kópir qurylysyna júrgizilgen tehnıkalyq tekserý beton konstrýksıalarynyń ishinara buzylýyn, kópir tirekterinde jaryqtardyń paıda bolýyn, deformasıalyq tigistiń bolmaýyn jáne ózge de aqaýlardy anyqtady.
Jergilikti turǵyndar normatıvtik merzimnen áldeqaıda jyldam salynǵan kópirdiń aıaqtalǵanyna qýanyshtaryn jasyrmaıdy.
«Biz eski kópirdi uzaq ýaqyt jóndeýdi kúttik, biraq biz jańasyn, sonymen qatar óte qysqa merzimde salynǵanyna tań qaldyq. Jumys sapaly jáne jaıaý júrginshilerge yńǵaıly júrgizilgenin kórýge bolady. Jańa kópir talaı onjyldyqtarǵa qyzmet etetin bolady dep senimdi túrde aıtýǵa bolady», - dedi Iýlıa Hvalynskaıa.
Semeıgúl Zıadanova da jańa kópirdi baǵalady. «Bul kópir shaǵyn aýdan turǵyndary úshin úlken mańyzǵa ıe, óıtkeni ol arqyly birneshe avtobýs marshrýttary, sondaı-aq mektep avtobýsy ótedi. Bul oblys turǵyndary men jaqyn mańdaǵy aýyldarǵa baratyndar úshin óte qajet. Kópir kúndelikti saparlardyń qysqa bolýyn qamtamasyz etedi», - dedi ol.
