«Almaty qalasy Bilim basqarmasy» komýnaldyq memlekettik mekemesi memlekettik bilim berý uıymdarynyń (qosymsha bilim beretin mektepten tys uıymdar MKQK) basshylarynyń bos laýazymdyq oryndaryna konkýrs jarıalaıdy:
1. Almaty qalasy Bilim basqarmasy «№ 3 S.Prokofeva atyndaǵy balalar mýzykalyq mektebi» MKQK basshysy.
Zańdy meken jaıy: Almaty q., Almaly aýdany, Qarasaı batyr kóshesi, 140 úı.
Qyzmet túri: Basqa toptamalarǵa engizilmegen bilim berý salasyndaǵy ózge qyzmet.
- Almaty qalasy Bilim basqarmasy «M.Tólebaev atyndaǵy № 5 balalar mýzykalyq mektebi» MKQK basshysy.
Zańdy meken jaıy: Almaty q., Bostandyq aýdany, Abaı dańǵyly, 54 A úı.
Qyzmet túri: Basqa toptamalarǵa engizilmegen bilim berý salasyndaǵy ózge qyzmet.
- Almaty qalasy Bilim basqarmasy «Qurmanǵazy atyndaǵy № 7 balalar mýzykalyq mektebi» MKQK basshysy.
Zańdy meken jaıy: Almaty q., Áýezov aýdany, 5 yqshamaýdany, 59 úı.
Qyzmet túri: Basqa toptamalarǵa engizilmegen bilim berý salasyndaǵy ózge qyzmet.
- Almaty qalasy Bilim basqarmasy «E.Brýsılovskıı atyndaǵy № 9 balalar mýzykalyq mektebi» MKQK basshysy.
Zańdy meken jaıy: Almaty q., Túrksib aýdany, Prıozernaıa kóshesi, 1 A.
Qyzmet túri: Basqa toptamalarǵa engizilmegen bilim berý salasyndaǵy ózge qyzmet.
- Almaty qalasy Bilim basqarmasy «№ 10 balalar mýzykalyq mektebi» MKQK basshysy.
Zańdy meken jaıy: Almaty q., Almaly aýdany, Klochkova kóshesi, 49 gúı.
Qyzmet túri: Basqa toptamalarǵa engizilmegen bilim berý salasyndaǵy ózge qyzmet.
- Almaty qalasy Bilim basqarmasy «№ 3 Oqýshylar úıi» MKQK basshysy.
Zańdy meken jaıy: Almaty q., Bostandyq aýdany, Vahtangov kóshesi, 2B úı.
Qyzmet túri: Mádenıet salasyndaǵy bilim berý.
- Almaty qalasy Bilim basqarmasy «№ 2 Oqýshylar úıi» MKQK basshysy.
Zańdy meken jaıy: Almaty q., Almaly aýdany, Jambyl kóshesi, 170 A úı.
Qyzmet túri: Mádenıet salasyndaǵy bilim berý.
Laýazymdy jalaqysy eńbek ótiline baılanysty – 202 808 teńgeden 245 988 teńgege deıin.
Biliktilikke qoıylatyn talaptar:
tıisti beıini boıynsha joǵary (joǵary oqý ornynan keıingi) pedagogıkalyq nemese ózge de kásiptik bilim nemese pedagogıkalyq qaıta daıarlaýdan ótkeni týraly qujat, bilim berý uıymdarynda pedagogıkalyq jumys ótili keminde bes jyl, onyń ishinde bilim berý júıesinde úzdiksiz jumys ótili sońǵy eki jyl, qosymsha bilim berý uıymy basshysynyń orynbasary nemese basshysy laýazymyndaǵy ótili keminde eki jyl;
nemese joǵary biliktilik sanatynyń nemese pedagog – sarapshynyń nemese pedagog – zertteýshiniń nemese pedagog – sheberdiń biliktilik sanatynyń bolýy ne "basshynyń úshinshi biliktilik sanatty orynbasary" nemese "basshynyń ekinshi biliktilik sanatty orynbasary" nemese "bilim berý uıymy" ne "basshy-uıymdastyrýshy" nemese "basshy-menedjer" nemese "basshy-kóshbasshy", "basshynyń birinshi biliktilik sanatty orynbasary" biliktilik sanatynyń bolýy;
osy tarmaqtyń 2,3-azatjolyndaǵy normalardy qospaǵanda, bilim jáne ǵylym salasyndaǵy qyzmet baǵyty boıynsha memlekettik qyzmetshi laýazymyndaǵy, tehnıkalyq jáne kásiptik, orta bilimnen keıingi bilim berý nemese pedagogıkalyq bilimi bar joǵary jáne joǵary oqý ornynan keıingi bilim berý uıymdarynyń basshysy laýazymyndaǵy jumys ótili keminde bes jyl.
Laýazymdyq mindetteri:
- bilim alýshylar men tárbıelenýshilerge qosymsha bilim berý uıymyn uıymnyń Jarǵysyna jáne ózge de normatıvtik quqyqtyq aktiler men normatıvtik qujattarǵa sáıkes basqarady;
- mádenı-demalys qyzmeti, dene shynyqtyrý men sportty damytý salasynda áleýmettik, qosymsha bilim berý qyzmetterin kórsetý boıynsha qurylymdyq bólimshelerdiń jumysyn jáne ózara is-qımylyn uıymdastyrady;
- basqarýdyń zamanaýı ádisteri negizinde jumysty boljaıdy jáne josparlaıdy;
- qosymsha bilim berýge memlekettik bilim berý tapsyrysyn oryndaıdy;
- bilim berý sapasyn baqylaýdy júzege asyrady, bilim berý prosesi kezinde bilim alýshylar men uıym qyzmetkerleriniń ómiri men densaýlyǵynyń qaýipsizdigine jaǵdaılar jasaıdy;
- bilim alýshylardyń erekshe bilim alý qajettilikterin qanaǵattandyrý úshin jaǵdaı jasaıdy;
- balalar men ata-analardy, onyń ishinde erekshe bilim berilýine qajettiligi bar balany tárbıeleý jáne damytý máselelerinde psıhologıalyq-pedagogıkalyq súıemeldeýdi qamtamasyz etedi;
- pedagogıkalyq keńestiń jumysyn basqarady;
- bilim berý jáne tárbıeleý máseleleri boıynsha jaqyn jáne alys shet elderdegi bilim alýshylardyń, tárbıelenýshilerdiń qosymsha bilim berý uıymdarymen ózara tıimdi yntymaqtastyqty keńeıtý boıynsha sharalardy júzege asyrady, qazirgi zamanǵy aqparattyq tehnologıalardy belsendi paıdalanady jáne damytady;
- basqarý qurylymyn aıqyndaıdy, balalarǵa qosymsha bilim berý uıymynyń qarjy-sharýashylyq qyzmetine basshylyqty júzege asyrady;
- bilim alýshylar men tárbıelenýshilerdiń kontıngentin qalyptastyrady;
- pedagogtardyń jumysyn úılestiredi, qamqorshylyq keńestiń jáne qoǵamdyq uıymdardyń, onyń ishinde balalar uıymdarynyń qyzmetine járdemdesedi;
- oqý-materıaldyq bazanyń esebin, saqtalýyn jáne tolyqtyrylýyn, sanıtarıalyq-gıgıenalyq rejım, eńbek qaýipsizdigi jáne eńbekti qorǵaý qaǵıdalarynyń saqtalýyn qamtamasyz etedi;
- pedagogter men qosalqy personaldy irikteýdi jáne ornalastyrýdy júzege asyrady, olardyń kásibı quzyrettiligin arttyrý úshin jaǵdaı jasaıdy;
- jurtshylyqpen baılanysty júzege asyrady, bilim alýshylardyń, tárbıelenýshilerdiń ata-analarymen (olardy almastyratyn adamdarmen) jumysty úılestiredi;
- eseptilikti daıyndaýdy jáne usynýdy qamtamasyz etedi;
- barlyq organdarda uıymnyń múddesin bildiredi jáne Qazaqstan Respýblıkasynyń zańnamasynda tyıym salynbaǵan ózge de qyzmetti júzege asyrady.
Bilýge tıis:
- Qazaqstan Respýblıkasynyń Konstıtýsıasy, Qazaqstan Respýblıkasynyń Eńbek kodeksi, Qazaqstan Respýblıkasynyń "Bilim týraly", "Pedagog mártebesi týraly", "Sybaılas jemqorlyqqa qarsy is-qımyl týraly", "Qazaqstan Respýblıkasyndaǵy tilder týraly", "Memlekettik múlik týraly" zańdary jáne bilim berýdi damytýdyń baǵyttary men perspektıvalaryn aıqyndaıtyn ózge de normatıvtik quqyqtyq aktiler, balalarǵa qosymsha bilim berý uıymy jumysynyń beıinin jáne onyń erekshelikteri;
- pedagogıka men psıhologıa;
- pedagogıkalyq etıkanyń normalary;
- ekonomıka, qarjy-sharýashylyq qyzmet negizderi;
- kompúterlik saýattylyq, aqparattyq-kommýnıkasıalyq tehnologıalar;
- eńbek qaýipsizdigi jáne eńbek qorǵaý, órtke qarsy qorǵaý jónindegi erejeler, sanıtarıalyq erejeler men normalar.
Konkýrs «Bilim týraly» Qazaqstan Respýblıkasynyń Zańy, QR Bilim jáne ǵylym mınıstriniń 2009 jylǵy 13 shildedegi № 338 buıryǵymen bekitilgen pedagog laýazymdarynyń úlgilik biliktilik sıpattamalary, QR Bilim jáne ǵylym mınıstriniń 2012 jylǵy 21 aqpandaǵy № 57 buıryǵymen bekitilgen memlekettik bilim berý uıymdarynyń birinshi basshylary men pedagogterin laýazymǵa taǵaıyndaý, laýazymnan bosatý qaǵıdalarynyń negizinde ótkiziledi.
Konkýrstyń ótkiziletin ýaqyty joǵaryda kórsetilgen Qaǵıdaǵa sáıkes belgilenedi.
Konkýrsty ótkizý orny: «Almaty qalasy Bilim basqarmasy» KMM, Almaty qalasy, Abylaıhan d-y, 74A mekenjaıynda.
Konkýrsqa qatysýǵa ótinimderdi berý buqaralyq aqparat quraldarynyń resmı basylymdarynda («Almaty aqshamy», «Vechernıı Almaty» gazetinde) jáne Almaty qalasy Bilim basqarmamsynyń «edualmaty.kz» saıtynda konkýrs ótkizý týraly habarlandyrý jarıalanǵan sátten bastap 7 jumys kúni ishinde júzege asyrylady.
«Almaty qalasy Bilim basqarmasy» KMM kelesi qujattardy qabyldaýdy júzege asyrady:
- osy Qaǵıdalarǵa 5-qosymshaǵa sáıkes nysan boıynsha ótinish;
- jeke basty kýálandyratyn qujaty ne sıfrlyq qujattar servısinen elektrondyq qujattyń kóshirmesi (sáıkestendirý úshin);
- kadrlardy esepke alý jónindegi jeke is paraǵy jáne foto;
- bilim týraly memlekettik úlgidegi qujattyń kóshirmesi;
- eńbek qyzmetin rastaıtyn qujattyń kóshirmesi;
- Qazaqstan Respýblıkasy Densaýlyq saqtaý mınıstriniń mindetin atqarýshynyń 2020 jylǵy 30 qazandaǵy № QR DSM-175/2020 «Densaýlyq saqtaý salasyndaǵy esepke alý qujattamasynyń nysandaryn bekitý týraly» buıryǵymen bekitilgen nysan boıynsha densaýlyq jaǵdaıy týraly anyqtama;
- psıhonevrologıalyq uıymnan anyqtama;
- narkologıalyq uıymnan anyqtama;
- biliktilik testileý sertıfıkaty;
- Blim berý uıymyn damytýdyń perspektıvalyq jospary;
- túıindeme.
Konkýrsqa qatysý úshin kandıdat konkýrs jarıalaǵan memlekettik organnyń qaraýyna onyń kásibı jetistikteri, biliktiligin arttyrýy, ǵylymı zertteýleri, óziniń pedagogıkalyq tájirıbesin jınaqtaýy, nagradalary týraly materıaldardy, tıimdilik kórsetkishterine (olar bolǵan jaǵdaıda) qol jetkizý týraly aqparatty qosymsha usynady. 4), 5), 6) 7), 8) 9) tarmaqshalarda kórsetilgen qujattardy usyný kórsetiletin qyzmetti berýshide olardy tıisti aqparattyq júıelerden alý múmkindigi bolǵan jaǵdaıda talap etilmeıdi. 4), 5) tarmaqshalarda kórsetilgen qujattardy jumys ornynan personaldy basqarý qyzmeti (kadr qyzmeti) nemese bilim berý uıymynyń jaýapty qyzmetkeri kýálandyrady jáne mórmen rastalady.
Eger Qazaqstan Respýblıkasynyń zańdarynda ózgeshe kózdelmese, kórsetiletin qyzmetti berýshi jáne Memlekettik korporasıanyń qyzmetkeri memlekettik qyzmetter kórsetý kezinde aqparattyq júıelerde qamtylǵan, zańmen qorǵalatyn qupıany quraıtyn málimetterdi paıdalanýǵa kórsetiletin qyzmetti alýshynyń kelisimin alady.
Konkýrsqa qatysý úshin qajetti qujattardy kelesi mekenjaıǵa tapsyrý kerek: Almaty qalasy, Abylaıhan d-y, 74A, Almaty qalasy Bilim basqarmasy, elektrondy poshta: service.ok.90@mail.ru.
.
Konkýrstyq komısıanyń otyrysyna baıqaýshylar qatysady.
2023 jylǵy 22 aqpanda (ýaqyty qosymsha habarlanady) Aımaqtyq testileý ortalyǵynda, meken-jaıy: Almaty qalasy Al-Farabı kóshesi, 71/22 úıde zańnamany, basqarýshylyq quzyretterdi, pedagogıka jáne psıhologıa negizderin bilýge arnalǵan biliktilik testileýi ótkiziledi.
Áńgimelesýge jiberilgen kandıdattardyń tizimi Almaty qalasy Bilim basqarmasynyń saıtynda jarıalanady.
Kandıdattar áńgimelesýge jiberilgendigi týraly habarlama alǵan sátten bastap 3 jumys kúni ishinde Almaty qalasy Bilim basqarmasynda onlaın rejımde áńgimelesýden ótedi.
Konkýrs nátıjelerine konkýrsqa qatysýshylar zańnamada belgilengen tártippen shaǵymdana alady.
Aqparatty naqtylaý úshin baılanys telefondary, elektrondyq mekenjaılary: +77718463932. Elekrondyq adres: service.ok.90@mail.ru.