«Saıaly-2» shaǵynaýdanynda 550 oryndyq mektep salynyp jatyr. 12 050 oryndyq taǵy 7 mekteptiń qurylysy osy jyldyń 3 toqsanynda bastalady. Qazir aýdan mektepterinde shamamen 4600 oryn tapshy. Bul týraly Almaty ákimi Erbolat Dosaev turǵyndarmen kezdesýde málimdedi, dep habarlaıdy Almaty-akshamy.kz.
Olardyń ishinde 550 oryndyq mektep «Zerdeli» shaǵynaýdanynda salynady. «Jaıly mektep» jobasy aıasynda «Samǵaý», «Alǵabas», «Qarasý», «Terekti» shaǵynaýdandarynda, sonymen birge, «Áıgerim» shaǵynaýdanynda 2000 oryndyq mektep boı kóteredi, - dedi qala ákimi.
Sonymen qatar, «Aqbulaq» shaǵynaýdanynda №154 mektepti buzyp, 1500 oryndyq mektep paıda bolady. Mektepter kelesi jyldyń sońyna deıin salynady dep josparlanýda.