Almaty qalasy ákimi apparaty basshysynyń m.a. buıryǵymen Almaty qalasy ákimi apparaty basshysynyń orynbasary bolyp Mereı Abzalbekov taǵaıyndaldy, dep habarlaıdy almaty-akshamy.kz
Abzalbekov Mereı Iagýdauly 1982 jyly 25 maýsymda týǵan. Ál-Farabı atyndaǵy Qazaq ulttyq ýnıversıtetin «tarıh» mamandyǵy boıynsha bitirgen, tarıh magıstri.
M. Abzalbekov mansabyn A.H. Marǵulan atyndaǵy Arheologıa ınstıtýtynyń jetekshi ınjeneri retinde bastap, Qapshaǵaı qalasyndaǵy 32363 áskerı bólimde ofıserlik qyzmette boldy.
Jastar saıasaty salasynda jumys istedi. Almaty qalasy Jastar saıasatyn damytý jónindegi memlekettik qor dırektorynyń orynbasary, Almaty qalasy Jastar saıasaty máseleleri jónindegi basqarmanyń jastar jobalary jáne shyǵarmashylyq bastamalary bólimi basshysynyń m.a. laýazymdaryn atqardy.
Almaty qalasy ákimi apparatynyń qurylymynda Almaty qalasy ákimi apparatynyń hattama, normatıvtik quqyqtyq aktilerdi tirkeý jáne resimdeý bóliminiń bas mamany, Almaty qalasy ákimi apparatynyń áleýmettik-mádenı sala bóliminiń basshysy bolyp jumys istedi.
Taǵaıyndalǵanǵa deıin Almaty qalasy ákimi apparaty qoǵamdyq damý bóliminiń basshysy qyzmetin atqardy.