Qala turǵyndary arasynda sanıtarlyq-epıdemıologıalyq salamattylyqty qamtamasyz etý, bezgek masalarynyń dernásilderiniń sanyn azaıtý maqsatynda, aǵymdaǵy jylǵy 7-shi maýsymnan 29 qyrkúıekke deıingi aralyqta jalpy anofelogendi aýdany 14,4 ga bolatyn Alataý, Jetisý jáne Túrksib aýdandarynda ornalasqan 7 anafelogendi sý qoımasynda bezgek masalarynyń dernásilerine qarsy dezınseksıalyq óńdeý sharalary júrgiziledi, dep habarlaıdy Almaty-akshamy.kz.
Almaty qalasy sanıtarıalyq-epıdemıologıalyq baqylaý departamentiniń baspasóz qyzmetiniń taratqan málimetine súıensek, dezınseksıalyq óńdeý entomologıalyq kórsetkish boıynsha barlyǵy alty kezeńde júrgiziledi.
Sý qoımalarynda bezgek masalarynyń dernásilderine qarsy óńdeý jumystaryn respýblıkalyq qarjy esebinen aýdandyq sanıtarıalyq-epıdemıologıalyq baqylaý basqarmalarynyń mamandarynyń tikeleı baqylaýymen, SHJQ RMK «Almaty qalasy boıynsha dezınfeksıa ortalyǵy» fılıaly júrgizedi. Jasaqtalǵan dezınfeksıalyq brıgadalar qajetti quraldarmen, kóliktermen jáne jeke bas qorǵanysh zattarymen jabdyqtalǵan. Dezınseksıalyq óńdeý júrgizý úshin «Favorıt» ınsektısıdti-akarıdıstik preparaty qoldanyldy. Preparat az ýytty jáne qaýiptiligi tómen sanatqa jatqyzylady (3-4 klass). Masalarmen kúresý úshin qoldanylatyn dozalar eń az jáne adamdar men janýarlar úshin qaýipsiz bolyp tabylady, - deıdi habarlamada.