1300 tonna kóktaıǵaqqa qarsy materıal paıdalanyldy
27 jeltoqsan kúni saǵat 02.00-de Almaty qalasynyń tómengi aýdandarynda qar jaýa bastady. Tańǵy saǵat 07.00-de 5 sm-ge deıin qar tústi, dep habarlaıdy Almaty-akshamy.kz.
Almaty qalasy Turǵyn úı saıasaty basqarmasynyń málimetinshe, kóktaıǵaqtyń aldyn alý maqsatynda qar jaýa salysymen joldarǵa kóktaıǵaqqa qarsy materıaldar sebilgen. 1300 tonna kóktaıǵaqqa qarsy materıal paıdalanylypty.
«Trotýarlardy, jaıaý júrginshiler aımaqtaryn, qoǵamdyq kólik aıaldamalaryn, ortaq paıdalaný oryndaryn tazalaý boıynsha jumystar uıymdastyryldy.
Tehnıkanyń shyǵýy 501 birlikti quraıdy, onyń ishinde 195 qumshashqysh jáne 338 jol jumysshysy. Tańerteńnen bastap 526 birlik arnaıy tehnıka, 174 qumshashqysh jáne 1340 jol jumysshysy shyǵarylady dep josparlanǵan», - delingen habarlamada.
Aýdan ákimdikteri men qala ákimdiginde qar tazalaý jumystarynyń óndirisin baqylaý boıynsha táýlik boıy kezekshilik uıymdastyryldy.
"Qazgıdromettiń" boljamy boıynsha, aralas jaýyn-shashyn tústen keıin toqtaıdy. Aýa temperatýrasy búgin kúndiz 0, -2 gradýs, kúnniń ekinshi jartysynda odan ári tómendeıdi.