26 qarasha kúni saǵat 09:00-den bastap Almaty qalasynda qarǵa aýysatyn jańbyr túrinde jaýyn-shashyn bastaldy, ol sınoptıkterdiń boljamy boıynsha túnde aıaqtalady.
«Qazgıdromet» RMK túngi kezeńde aýa temperatýrasynyń -12...-14°S deıin tómendeýine baılanysty túnde kóktaıǵaq qubylystarynyń aldyn alý maqsatynda 495 birlik arnaıy tehnıka, onyń ishinde 144 qum taratqysh jáne 393 jol jumysshysy tartylatyn bolady.
Saǵat 19:00-degi jaǵdaı boıynsha joldardyń júris bóligine 152 tonna kóktaıǵaqqa qarsy materıal sebilgen.
Trotýarlardy, qoǵamdyq kólik aıaldamalaryn, jer ústi jáne jerasty ótkelderin tazalaý jumystary júrgizilýde.
Aýdandyq ákimdikter men merdiger uıymdarda jumystardy júrgizý boıynsha táýlik boıy kezekshilik uıymdastyryldy.
Qurmetti almatylyqtar!
Qardyń túsýine jáne aýa temperatýrasynyń tómendeýine baılanysty keshki jáne túngi kezeńde joldar men trotýarlarda kóktaıǵaq qubylystary boljanady.
Júrgizýshilerdi apattar qaýpiniń joǵarylaýyna baılanysty jyldamdyqty tómendetýge, avtomobılder arasyndaǵy qashyqtyqty saqtaýǵa jáne kenet jasalatyn manevrlerden aýlaq bolýǵa shaqyramyz.
Jaıaý júrginshilerden trotýarlarda júrgende abaı bolýdy, asa qajettiliksiz úıden shyqpaýdy suraımyz.