Ulttyq banktiń Almaty qalalyq fılıaly Almaty qalasynyń qarjy naryǵyndaǵy jaǵdaı týraly
- Inflásıa
2024 jylǵy 1 shildedegi Almaty qalasy boıynsha statısıka departamentiniń resmı derekteri boıynsha ınflásıa 3,4% deńgeıinde qalyptasty (2023 jylǵy 1 shildede – 5,1%).
Inflásıa qurylymynda azyq-túlik taýarlaryna baǵalar – 4,0%, azyq-túlik emes taýarlarǵa – 2,5%, aqyly qyzmetterge – 3,4% ósti.
Almaty q. boıynsha tutyný baǵalarynyń ındeksi:
- Barlyq taýarlar men qyzmetter – 105.1
- Azyq-túlik taýarlary – 105.6
- Azyq-túlik emes taýarlar – 105.9
- Aqyly qyzmetter – 103.9
2023 j. 1 jartyjyldyq jáne 2024 j. 1 jartyjyldyq aralyǵynda ınflásıa deńgeıi salystyrmaly túrde turaqty bolǵan.
- Valútalyq naryq
2024 jylǵy 1 shildedegi jaǵdaı boıynsha qalanyń qolma-qol shetel valútasy naryǵynda 446 aıyrbastaý pýnkti jumys istedi. Onyń ishinde:
- Bankterdiń aıyrbastaý pýnktteri – 244
- Qolma-qol shetel valútasymen aıyrbastaý operasıalaryn júrgizýge QR Ulttyq Bankiniń lısenzıasy bar ýákiletti uıymdar – 191
- "Qazposhta" AQ – 11.
2023 jyldyń 1 jartyjyldyǵymen salystyrǵanda aıyrbastaý pýnktteriniń sany 4,0%-ǵa, ıaǵnı 458-den 446-ǵa deıin, al bankterdiń aıyrbastaý pýnktteri 11,9%-ǵa, ıaǵnı 277-den 244-ke deıin tómendedi. "Qazposhta" AQ aıyrbastaý pýnktteri 15,4%-ǵa, ıaǵnı 13-ten 11-ge deıin azaıdy. Degenmen, ýákiletti uıymdardyń aıyrbastaý pýnktteriniń sany 13,7%-ǵa, ıaǵnı 168-den 191-ge deıin ósti.
2024 jyldyń 1 jartyjyldyǵynda teńgeni AQSH dollaryna satý baǵamy 445,12 – 466,50 teńge aralyǵynda boldy, al eýro 473,50 – 516,70 teńge, Reseı rýbline qatysty 4,82 – 5,99 teńge aralyǵynda boldy.
Aıyrbastaý operasıalarynyń kólemi:
- AQSH dollary – 101,9% jáne 117,7%, sáıkesinshe 1 168,0 mln jáne 1 744,0 mln dollar;
- Reseı rýbli – 114,8% jáne 121,6%, sáıkesinshe 10 377,5 mln jáne 7 688,1 mln rúbl;
- Eýro – 87,2% jáne 113,2%, sáıkesinshe 73,2 mln jáne 192,6 mln eýro qurady.
- Depozıt naryǵy
2024 jylǵy 1 shildedegi jaǵdaı boıynsha Qazaqstan Respýblıkasynyń bank sektoryn 21 ekinshi deńgeıdegi bank quraıdy, onyń 19-y Almaty qalasynda ornalasqan.
2024 jyldyń 1 jartyjyldyǵynda rezıdentterdiń ekinshi deńgeıdegi bankterdegi depozıtteriniń kólemi 2023 jyldyń uqsas kezeńimen salystyrǵanda 21,1%-ǵa ulǵaıyp, 10 333,0 mlrd teńgeni qurady. Zańdy tulǵalardyń depozıtteri 28,7%-ǵa 2 779,0 mlrd teńgege deıin, al jeke tulǵalardyń depozıtteri 18,5%-ǵa 7 554,0 mlrd teńgege deıin ósti.
Ulttyq valútadaǵy depozıtter kólemi 34,1%-ǵa ósti, al shetel valútasyndaǵy depozıtter kólemi 3,2%-ǵa tómendedi.
Depozıtterdiń jalpy kólemindegi jeke tulǵalardyń salymdarynyń úlesi 73,1%-dy quraıdy. Onyń ishinde ulttyq valútadaǵy depozıtterdiń úlesi 2023 jyldyń 1 toqsanyndaǵy 65,0%-ǵa qaraǵanda 72,0%-dy qurady.
- Kredıt naryǵy
2024 jyldyń 1 jartyjyldyǵynda bankterdiń Almaty qalasynyń ekonomıkasyn kredıtteý kólemi 12 539,8 mlrd teńgeni qurap, aldyńǵy kezeńmen salystyrǵanda 19,2%-ǵa artty.
Ulttyq valútadaǵy kredıtter kólemi 15,2%-ǵa ósip, 10 586,2 mlrd teńgege jetti. Al shetel valútasyndaǵy kredıtter kólemi 46,1%-ǵa ósip, 1 953,6 mlrd teńgeni qurady.
Uzaq merzimdi kredıtter kólemi 17,3%-ǵa artyp, 9 883,9 mlrd teńgege jetti, al qysqa merzimdi kredıtter kólemi 26,7%-ǵa azaıyp, 2 656,0 mlrd teńgeni qurady.
Shaǵyn kásipkerlik sýbektilerin kredıtteý 22,5%-ǵa artyp, 3 219,1 mlrd teńgege jetti (ekonomıkaǵa berilgen kredıtterdiń jalpy kóleminiń 25,7%-y).
Kredıt berýdiń salalyq qurylymy kezeń ishinde saýda men ónerkásiptegi basym baǵyttaryn saqtap qaldy: qysqa merzimdi kredıtter boıynsha 30,4% jáne 13,2%, uzaq merzimdi kredıtter boıynsha sáıkesinshe 3,3% jáne 4,4%.