Alataý aýdanyndaǵy “№1 bóbekjaı-balabaqshasyna” Almaty qalalyq Máslıhatynyń depýtattary — Begalın Qaırat Talapuly, Qýsaınov Beıbit Býlatovıch, Bekenova Gúljan Myrzalyqyzy jáne Almaty qalalyq Qoǵamdyq keńestiń múshesi Gasanov Rafael Rýfıkovıch arnaıy issaparmen keldi.
Kezdesýdiń maqsaty — mektepke deıingi uıymmen tikeleı baılanys ornatyp, balabaqsha ujymynyń kúndelikti tynys-tirshiligimen, jumys barysymen jan-jaqty tanysý. Bul sapar halyq qalaýlylary men qoǵam ókilderiniń mektepke deıingi bilim berý salasyndaǵy ózekti máselelerdi naqty jerinde kórýine, ata-analar men tárbıeshilerdiń usynys-pikirlerin estýine múmkindik berdi.
Balabaqsha ishinde tanystyrý ekskýrsıasy uıymdastyrylyp, tárbıe berý prosesi kórsetildi. Sonymen qatar, dóńgelek ústel formatynda ashyq pikir almasý bolyp, mektepke deıingi mekemelerdi damytý, materıaldyq-tehnıkalyq bazany jaqsartý jáne tárbıeshilerdiń jaǵdaıyn kóterý syndy mańyzdy máseleler talqylandy.
Bul kezdesý aldaǵy ýaqytta atqarylatyn jumystardyń baǵyttaryn aıqyndap, balabaqsha men jergilikti bılik arasyndaǵy baılanysty nyǵaıtýdyń taǵy bir qadamy boldy.