Keshe Almaty qalasy Jetísu audanyndaǵy N57 jalpy bílím beretín mektebínde Ūly Otan soǵysyndaǵy Jeńístíń 80 jyldyǵyna arnalǵan «Ūly Jeńís: Erlíkke tazym, ūrpaqqa úlgí» atty merekelík ís-shara óttí.
Ís-sharaǵa Ūly Otan soǵysy jáne tyl ardagerleríníń ūrpaqtary, Auǵanstandaǵy soǵys ardagerlerí, Jetísu audany ákímdígí men audandyq bílím bólímíníń ókílderí, «AMANAT» partıyasy Jetísu audandyq fılıalynyń tóraǵasy, ūstazdar qauymy men oqushylar qatysty.
Qūrmettí qonaqtardyń qatarynda:
- Almaty qalasy Auǵan soǵysy ardagerler odaǵynyń tóraǵasy Gorpınenko Vladımır Petrovıch;
- Chernobyl ardagerlerí men erekshe qauíp tóngen jauyngerler odaǵynyń tóraǵasy Permınov Valerıı Petrovıch;
- Auǵan soǵysynyń ardagerí Kım Vladlen Lvovıch;
- Chernobyl atom-elektr stantsıyasynyń joyushysy Kan Igor Afanasevıch;
- Chernobyl atom elektr stantsıyasynyń ardagerí Useınov Anuar Bılalovıch;
- Ata-analar qoǵamynyń tóraıymy Nūrmaǵambetova Záure Bektūrǵanqyzy boldy.
Ís-shara Qazaqstan Respublıkasynyń Tuyn saltanatty túrde engízu jáne Memlekettík Gımndí oryndaumen bastaldy. Mekteptíń «Jetísu jauharlary» orkestríníń ónerpazdary qazaqtyń belgílí kompozıtorlarynyń shyǵarmalaryn oryndady. Oqushylar kelgen qonaqtarǵa soǵys ánderín sahnalyq qoıylymdarmen ūsynyp, óz rólderín bar yntasymen somdady. Búldírshínder kórkemsózden jyr oqyp, ásem ánder oryndady. Kontsert barysynda jınalǵandar soǵysta qaza tapqandardy bír mınut únsízdíkpen eske aldy.
57 jalpy bílím beretín mektep dırektory Gúlbanu Qonysbaıqyzy óz sózínde erlík pen qaharmandyqtyń úlgísíne aınalǵan ardagerlerge jyly lebízín bíldíríp, Ūly Jeńístíń 80 jyldyǵymen qūttyqtady. Ol óz sózínde ís-sharanyń maqsaty jastardyń ardagerlerge, aǵa ūrpaqqa degen qūrmettí kózqarasyn qalyptastyru, óz elíníń tarıhyna degen qyzyǵushylyǵyn, patrıottyq jáne tuǵan jeríne degen maqtanysh sezímíne tárbıeleu maqsatynda ekendígíne basa nazar audardy.
"Eshkím de, eshteńe de ūmytylmaıdy. Būl sózder ótkendí emes, bolashaqty meńzeıdí. Qaharman batyrlarymyzdyń erlíkterín eshkím de eshqashan ūmytpaıdy. Būl kún qandy maıdannan oralmaı, elímíz úshín senímdí qorǵan bola otyryp, jeńíske jetu úshín kúresken ata-babalarymyzdy eske alu kúní", - dedí Gulbanu Qonysbaıqyzy.
Shara sońynda búkíl zal №57 mekteptíń mūǵalímder horymen bírge «Jeńís kúní!» ánín shyrqady.Mūndaı sharalardyń tárbıelík mání zor. Aǵa buyn ardagerlerímízdíń kórsetken erlígí men batyrlyǵynan búgíngí ūrpaq sabaq alady degen senímdemíz.
Barshańyzdy Ūly Otan soǵysyndaǵy Jeńístíń 80 jyldyǵymen qūttyqtaımyz.
Táuelsíz Qazaqstannyń baqytty da beıbít kúnderí úshín ardagerlerímízge taǵzym etemíz!